O‘zLiDeP Nurobod tuman kengashi tomonidan “Ishbilarmon ayol” ko‘rik-tanlovining tuman bosqichi o‘tkazildi.

Unda tumandagi fermerlik, kasanachilik, kashtachilik, gilam to‘qish, tikuvchilik bilan shug‘ullanayotgan 30 nafarga yaqin tadbirkor va ishbilarmon ayollar o‘z ijod namunalari va ishlab chiqargan mahsulotlari bilan qatnashdi.

Nurobodning Jom qishlog‘ida yashovchi Qunduz opa Xudoyorova 20 yildan buyon gilam to‘qish bilan shug‘ullanadi. U momolaridan o‘rgangan kasb sirlarini bugun qizlariga va nabiralariga o‘rgatmoqda.

–Gilam to‘qish bizning oilaviy an’anamizga kiradi. Gilamlarimiz tabiiyligi bilan ajralib turadi, – deydi Qunduz opa. – Bunda ipakni  o‘simliklardan  yong‘oq, anor, piyoz po‘stlog‘ini  qaynatib olingan ranglar bilan bo‘yaymiz. Shuningdek, tuya junidan to‘qilgan gilamlarimiz ham xaridorgir. Chunki, u inson salomatligi uchun ya’ni, oyoq va bel og‘rig‘ida yaxshi foyda beradi. Shu boisdan mahsulotlarimizga xorijlik mehmonlarning qiziqishi katta.

Shahzoda Hudoyorova tukuvchilikning quroqchilik turi, ya’ni qoldiq matolarni bir-biriga ulab, bejirim liboslar yaratish bilan shug‘ullanadi. U tomonidan tanlovga taqdim etilgan ijod namunalari yig‘ilganlarda katta ta’surot qoldirdi.

– Mamlakatimizda yoshlarga katta e’tibor qaratilmoqda. Shu bois tijorat bankidan imtiyozli kredit olib, faoliyatimni yana kengaytirmoqchiman, – deydi Shahzoda.

Tanlovda g‘olib va sovrindorlar partiya tuman kengashi tomonidan dimlom va esdalik sovg‘alari bilan taqdirlandi.

Baxtigul QARShIYEVA,

O’zLiDeP Samarqand viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!