Oliy Majlis Senati a’zosi Solijon Mo‘minov va Qonunchilik palatasi deputati Nargiz Xalilova xalq bilan muloqot qilish, odamlarning ichiga kirish, ularning dardu tashvishlarini o‘rganish, inson manfaatlarini ta’minlash maqsadida Norin tumanidagi “Rovot”, “Polvonko‘l”, “Xo‘jaobod”, “S.Raximov”, “Boyovul”, “Norinkapa” va “Soybo‘yi” mahallalari aholisi bilan uchrashdi.

Yuzma-yuz muloqotlar davomida fuqarolar tomonidan 20dan ortiq muammo va takliflar bildirildi. Xususan, ko‘chalarni shag‘allashtirish, suyultirilgan gaz, toza ichimlik suvi, elektr ta’minotini yanada yaxshilash, ayollarni ish bilan ta’minlash, kredit masalasi hamda MTM qurish bo‘yicha ko‘plab murojaatlar o‘rtaga tashlandi.

–Mahallaga ko‘chib kelganimizga 25 yil bo‘ldi, – deydi “Rovot” MFYda istiqomat qilayotgan Saydullo Adashev. – Shu vaqtga qadar biror marotaba ko‘chamizga e’tibor berilmagan. Yo‘llarimiz juda ham ta’mirtalab ahvolga kelib qolgan. Qish mavsumida bolalarimiz maktabga borib-kelishga qiynaladi. Shu masalada xalqning ishonchli vakili Solijon Mo‘minovga murojaat qilgan edik, mana, ularning tashabbusi bilan ko‘chamizning 1 kmga yaqin yo‘llariga shag‘al yotqizildi.

Ta’kidlash kerak, uchrashuvlar davomida Qonunchilik palatasi deputati Nargiz Xalilova shu hududda yashovchi Nasiba Ahmedova va Urayimjon Sotvoldiyevlarga nogironlik aravachasi hamda 25 dan ortiq xonadonlarga  suyultirigan gaz ballonlari ajratilishiga ko‘maklashdi.

Rustamjon XAKIMOV,

O‘zLiDeP Namangan viloyat Kengashi

bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!