O‘zLiDeP Jizzax viloyat Kengashi huzuridagi Siyosiy ta’lim markazi tomonidan xalq deputatlari shahar kengashidagi partiya deputatlik guruhi a’zolari hamda boshlang‘ich partiya tashkiloti raislari malakasini oshirishga qaratilgan o‘quv-seminar o‘tkazildi.  

Seminarda deputatlarga muammoli masalalarni deputatlik guruhlarida ko‘rib chiqish tartibi, doimiy komissiyalar va mahalliy kengash sessiyalariga masala kiritish mexanizmi, BPTda hisobot-saylov yig‘ilishini o‘tkazish tartibi, deputatlik so‘rovlari jo‘natish hamda  deputatlar faoliyatini OAVda keng yoritish bo‘yicha zarur ko‘rsatmalar berildi.

–Partiya faollari va deputatlar bilan muloqotlarimiz har doim ham jonli, tortishuvlarga boy tarzda o‘tgan. Bugungi o‘quv jarayonida olingan bilim va tavsiyalar esa bu munozaralarning yanada jonlanishiga sabab bo‘ldi, – deydi “WELLNOR TRADE” MChJ qoshida faoliyat yuritayotgan BPT raisi Umida Xasanova. –O‘quv seminarda tadbirkorlar faoliyatini  yanada rivojlantirishda deputatlar ko‘magi kerakligi, deputatlar bilan hamkorlikda amalga oshirilishi lozim bo‘lgan muhim vazifalarni belgilab oldik. Aytish joiz, seminar davomida olgan bilimlarimiz kelgusi ish faoliyatimizda juda asqotadi.

Seminarda ishtirokchilarning kelgusida o‘z faoliyatini yanada samarali olib borishlariga to‘sqinlik qilayotgan kamchiliklar mavjudligi o‘rganildi, galdagi vazifalar belgilab olinib, aniq tavsiyalar ishlab chiqildi.    

Xolmat TO‘RAYEV,

O‘zLiDeP Jizzax viloyat Kengashi

bo‘lim mudiri

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!