O‘zLiDeP Amudaryo tuman Kengashi “Ayollar qanoti” tomonidan “Ishbilarmon ayol” ko‘rik-tanlovining tuman bosqichi o‘tkazildi. Unda tumandagi tadbirkorlik va fermerlik faoliyati bilan shug‘ullanib kelayotgan 15 nafar xotin-qiz ishtirok etdi.

Qayd etilganidek, tanlovning maqsadi ham aynan yurtimizdagi mulkdorlar qatlami bo‘lgan tadbirkor va fermer ayollarimizni har tomonlama qo‘llab-quvvatlash, tadbirkorlik sohasidagi malakalarini yanada oshirish va rag‘batlantirishdan iborat.

– 2009 yildan buyon tadbirkorlik faoliyati bilan shug‘ullanaman, – deydi “Tamara Feruza” xususiy korxonasi rahbari T.Yusupova. – Korxonamizda asosan xotin-qizlar uchun kuylak, bolalar uchun esa turli futbolkalar ishlab chiqariladi. Ayni chog‘da korxonamizni yanada kengaytirish maqsadida korxona qoshida trikotaj mahsulotlarini ishlab chiqarishni yo‘lga quyganmiz. Eng muhimi, korxonamizda 15 nafar xotin-qizlar doimiy ish bilan band.

Tanlovda T.Yusupovadan tashqari G.Allambergenova va R.To‘rayevalar ham tanlovning Qoraqalpog‘iston Respublikasi bosqichiga yo‘llanma oldilar.

Asem SIRIMBETOVA,

O‘zLiDeP Qoraqalpog‘iston

Respublikasi Kengashi xodimi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!