O‘zLiDeP deputatlari oqdaryolik tadbirkorga 180 million so‘m kredit olib berish uchun so‘rov jo‘natadi
13.07.2018, 17:05
O‘zLiDeP Oqdaryo tuman Kengashi “Pluton-Oqdaryo” xususiy korxonasida “O‘rta sinf vakillarini qo‘llab-quvvatlash, xususiy mulk va xususiy tadbirkorlikni yanada rivojlantirish yo‘lidagi g‘ov va to‘siqlarni bartaraf etish hamda mulkdorlar erkinligini ta’minlash borasidagi dolzarb vazifalar” mavzusida davra suhbati tashkil etdi.
Dastlab korxona rahbari Abdurashid Oblaqulov ishtirokchilarni korxona faoliyati, ishlab chiqarish jarayoni va ishchi-xodimlar uchun yaratilgan sharoitlar bilan yaqindan tanishtirdi. Korxonada ishlab chiqarilayotgan mahsulotlar haqida so‘zlab berdi.
–Korxonamizda aholi ehtiyojidan kelib chiqib, darvoza, chorpoya, arg‘imchoq, quyon va tovuq boqish uchun qafaslar tayyorlanadi, – deydi Abdurashid Oblaqulov. – Ayni chog‘da korxonamizda 17 nafar ishchi-xodim mehnat qilyapti. Lekin biz faoliyatimizni yanada kengaytirib, Tarnov qishlog‘ida korxonamiz filialini tashkil etmoqchimiz. Agar ushbu filialimiz ishga tushsa, yana 3 nafar yosh ish bilan ta’minlanadi.
Tadbirda tashkilotchilardan o‘z biznesini rivojlantirish uchun 180 million kredit olishda amaliy yordam so‘ragan tadbirkorning muammosi shu yerning o‘zida tegishli tashkilotlarga deputatlik so‘rovi yuborish uchun yozib olindi.
Baxtigul QARShIYEVA,
O‘zLiDeP Samarqand viloyat
Kengashi matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Bildirilgan fikrlar
O’zLiDeP Миришкор туман Кенгаши депутати Шарипов Бешбой2018-07-16 10:00:24
O‘zLiDeP депутатлари доимо ўз электоратларидан ташқари тадбиркорлик иш билармонлик қилишни ўз олдига мақсад қилган барча юртдошларимизга чин кўнгилдан ёрдам қилишни ўз бурчи деб билганлар.
Н.Атаназаров Косон туман Кенгашидаги O‘zLiDeP депутатлик гурухи рахбари2018-07-16 08:57:40
O‘zLiDeP депутатлари партиямизнинг асосий дастурий мақсадларидан ҳисобланган, ҳудудлардаги тадбиркорларни қўллаб-қувватлаши, тадбиркорлик фаолияти билан шуғулланишлари учун яратилган кенг шароит ва имкониятларни улар орасида тарғиб қилиш, ўз бизнесини ривожлантириш учун имтиёзли кредит олишда амалий ёрдам беришлари шарт.
Холмурод Сориев, Халқ депутатлари Нуробод туман Кенгашидаги O'zLiDeP депутатлик гуруҳи раҳбари2018-07-13 23:23:26
Асосий электоратимиз бўлган тадбиркорларни қўллаб-қувватлаш-партиямизнинг устувор вазифаларидан биридир. Бу борада депутатлик сўрови ваколатидан унумли фойдаланиш-партиямизнинг электорат олдидаги нуфузининг ошишига сабаб бўлади.