O‘zLiDeP Sirdaryo viloyat Kengashi Prezidentimizning 2018 yil 27 iyundagi “Yoshlar – kelajagimiz” Davlat dasturi to‘g‘risida”gi Farmoni targ‘ibotiga bag‘ishlangan tadir o‘tkazdi.  

Tadbirda partiya “Yoshlar qanoti” faollari, yosh tadbirkor va fermerlar, uyushmagan yoshlar, xalq deputatlari viloyat, tuman (shahar) Kengashidagi partiya deputatlik guruhi a’zolari, mutasaddi tashkilot va idora vakillari hamda OAV xodimlari ishtirok etdi.

Yig‘ilishda so‘zga chiqqan O‘zLiDeP viloyat Kengashining Yoshlar masalalari bo‘yicha o‘rinbosari Shavkat Zayniddinov yoshlarga ushbu hujjatning mazmun-mohiyatini tushuntirar ekan, unda belgilangan ustuvor vazifalarga alohida tuxtalib o‘tdi.

–Mazkur hujjat aniq maqsad va vazifalarga qaratilganligi bilan muhim ahamiyatga ega, – deydi Sh.Zayniddinov. – Nega desangiz, ushbu Farmon bilan tanishganimdayoq, unda belgilangan vazifalar partiyamiz maqsadlari bilan hamohangligini tushunib yetdim. Chunki partiyamizning maqsad va  vazifalari ham halqimizni tadbirkorlikka o‘rgatish, yo‘naltirish va shu orqali ular bandligini ta’minlashdan iboratdir.

Tadbir yakunida ishtirokchilar viloyatdagi “WELLFORD” MChJda bo‘lib, korxonada ishchi-xodimlar uchun yaratilgan sharoitlar, mahsulotning tayyorlanish jarayoni bilan yaqindan tanishdi.

Elyor JO‘RAYEV,

O‘zLiDeP Sirdaryo viloyati Kengashi

Yoshlar bilan ishlash bo‘limi

etakchi mutaxassisi