O‘zLiDeP faollari Norin aholisi bilan bevosita muloqotda bo‘ldi
12.08.2018, 12:54
O‘zLiDeP Siyosiy Kengashi Ijroiya qo‘mitasi, Namangan viloyat va Norin tumani Kengashi tomonidan tuzilgan ishchi guruh tumandagi “Qorateri” MFY aholisi bilan hududdagi muammo va takliflar yuzasidan suhbatlashdi.
Muloqot davomida mahalla ahlidan aloqa tizimi, suyultirilgan gaz va ichimlik suvi ta’minotini yaxshilash, ichki yo‘llarni ta’mirlash borasida murojaatlar kelib tushdi.
Bundan tashqari, mahallada yashovchi Ixvoliddin Qurbonov va Hudoyberdi Xolmurodovlar sog‘ligini tiklash borasida yordam so‘rab murojaat qilishdi. Bu masala ishchi guruh tomonidan joyida hal etilib, ularga viloyat shifoxonasida davolanishlari uchun yo‘llanma olib berildi.
Ta’kidlash kerakki, ushbu mahalla 2018 yil “Obod mahalla” dasturiga kiritilgan bo‘lib, hozirda mahalladagi 9 ta ko‘chada 925 ta xonadon mavjud. Shundan, 182 ta xonadonda dastur doirasida ta’mirlash ishlari olib borilmoqda. Biroq, o‘rganishlar davomida aniqlandiki, hududdagi 2 ta qabristonlarni obodonlashtirish belgilangan bo‘lsada, hozirgacha hech qanday ishlar boshlanmagan.
Shuningdek, uchrashuv davomida faollarimiz 60 ga yaqin xonadon vakillari bilan muloqotga kirishib, “Har bir oila tadbirkor” va “Yoshlar kelajagimiz” davlat Dasturlarining mazmun-mohiyati bo‘yicha keng tushuntirish ishlari olib borishdi.
“Qorateri” MFY “Humo” ko‘chasida yashovchi Muhtorjon Parpiyev xonadonidagi 2 sotix yer maydonida farg‘onacha usulda uzum yetishtirishni yo‘lga qo‘yib, mo‘l hosil olishga erishmoqda.
Partiya faollari M.Parpiyevning uzum yetishtirish borasidagi tajribasini hududda ommalashtirish va qo‘shimcha ish o‘rinlari yaratish bo‘yicha master klass tashkil etishni rejalashtirdi.
Partiya faollarining aholi bilan uchrashuvlari davom etmoqda.
Yulduz YULDASHEVA,
O‘zLiDeP Namangan viloyat
Kengashi matbuot kotibi
O‘zLiDePning Facebook hamda Instagram'dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Joriy yilda Kattaqo‘rg‘onda 95 nafar fuqaroga tadbirkorlik faoliyatini boshlashi uchun 2 mlrd. 369,5 mln so‘mlik kredit ajratildi
25.04.2019, 16:51
-
O’zLiDeP qoraqalpog‘istonlik tadbirkorlarga Prezident ma’ruzasi mohiyatini tushuntirdi
19.12.2018, 16:01
-
Boyovutlik 14 nafar yoshga 1 mlrd. 615 mln so‘m imtiyozli kredit ajratildi
28.11.2018, 17:16
-
“Avtomobillarga texnik xizmat ko‘rsatish” loyihasini hayotga tatbiq etayotgan O‘zLiDeP faoli 20 ish o‘rni yaratmoqchi
21.11.2018, 15:38
-
Yoshlar – kelajagimiz poydevori
30.10.2018, 10:00
Bildirilgan fikrlar
Умурзоков Улуғбек ЎзЛиДеП Учқўрғон туман аппарат рахбари2018-08-13 18:24:37
Иш ўринлани яратиш ва хар бир хонадонларда исикхона ташкил этиш ва узумчиликни ривожлантириш энг макул таклиф.
Зульфия2018-08-12 13:29:31
Текст не понятен,ладно ошибок столько в каждом слове ,но о чем ни чего не поняла.Возьмите грамотного переводчика.