O‘zLiDeP Mingbuloq tuman Kengashi “Aholi, ayniqsa yoshlar tadbirkorligini qo‘llab-quvvatlash dolzarb vazifalardan biridir” mavzuida amaliy muloqot o‘tkazdi.

Muloqotda tadbirkorlik faoliyatini boshlash istagida bo‘lgan yoshlarga tadbirkorlik faoliyati tushunchasi, uning huquqiy asoslari va amalga oshirish mexanizmlari, shuningdek, “Har bir oila – tadbirkor” hamda “Yoshlar kelajagimiz” davlat dasturlarining ahamiyati to‘g‘risida batafsil ma’lumotlar berildi.

–Tumanimizda yoshlarning tadbirkorlik faoliyati bilan shug‘ullanishlari uchun barcha sharoitlar mavjud, – deydi O‘zLiDeP Mingbuloq tuman Kengashi apparat rahbari Farxod Gayberdiyev. – Shu bois, hudud yoshlarining aksariyati o‘z biznesini boshlash harakatida yuribdi.  Joriy yilning o‘tgan davrida partiya ko‘magida 30 nafardan ortiq yoshlar tadbirkor sifatida davlat ro‘yxatidan o‘tib, o‘z faoliyatini boshlashdi. Natijada esa 50 ga yaqin yangi ish o‘rinlari yaratildi.

Tadbir so‘nggida tadbirkorlik faoliyatini boshlash istagini bildirgan  4 nafar yoshga zarur tavsiyalar, ko‘nikmalar berildi.

Yulduz YuLDASHEVA,

O‘zLiDeP Namangan viloyat

Kengashi matbuot kotibi

O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!