“Ishbilarmon ayol” ko‘rik-tanlovining Urganch tuman bosqichi g‘olibi aniqlandi
14.05.2019, 15:36
O‘zLiDeP Urganch tuman Kengashi tomonidan “Ishbilarmon ayol” ko‘rik-tanlovining tuman bosqichi o‘tkazildi. Tanlovda dastlab ishtirokchilar o‘zlari ishlab chiqargan mahsulotlarining ko‘rgazmasini namoyish etdi.
Ko‘rgazma davomida korxonalarda yangi ish o‘rinlari yaratish, innovatsion loyihalarni amalga oshirish, ishlab chiqarish va xizmat ko‘rsatish hajmini oshirish, ayniqsa, eksportbop va import o‘rnini bosadigan mahsulotlar ishlab chiqarayotgan tadbirkorlar va fermerlar faoliyatiga alohida e’tibor qaratildi.
– 2009 yildan buyon tadbirkorlik faoliyati bilan shug‘ullanib kelaman, – deydi tanlovning 1-o‘rin sohibi, “Maqsuda Madamin” oilaviy korxonasi rahbari Maqsuda Madaminova. –2018 yilda “Yoshlar – kelajagimiz” Davlat dasturi doirasida tijorat bankidan 300 mln. so‘m kredit olib, 2 ming gektar yerga qo‘ziqorin yetishtirishni yo‘lga qo‘ydik. Ayni paytda mahsulotlarimizni nafaqat ichki bozorda, balki Qozog‘iston va Tojikiston davlatlariga ham eksport qilyapmiz. Bugungi tanlovda menga bildirilgan yuksak ishonch g‘ayratimga-g‘ayrat qo‘shib, kelgusida yangi-yangi g‘oyalarni hayotga tatbiq etishga kuch bag‘ishladi.
Tanlov davomida M.Madrimovadan tashqari yakka tadbirkorlar J.Ro‘zibayeva G.Taxirovalar ham partiyaning diplom va esdalik sovg‘alari bilan taqdirlandi.
Musharraf RAXIMOVA,
O‘zLiDeP Xorazm viloyat Kengashi
ayollar bilan ishlash
bo‘limi mudiri
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Ishbilarmon ayollar saralanmoqda
21.04.2024, 13:39
-
O‘zLiDeP “Ayollar qanoti” loyihalari orqali ishsiz xotin-qizlar tadbirkor bo‘lyapti
09.04.2024, 19:52
-
Qoratepalik Matluba opa tomorqasidan har yili 30 million so‘m daromad qilmoqda
09.04.2024, 19:49
-
Xotin-qizlarning iqtisodiy, ijtimoiy va siyosiy faolligini oshirishga eʼtibor yana-da kuchaygan
31.03.2024, 10:51
Fikringizni qoldiring