Paxtachilik tarmog‘imiz yanada rivojlanadi
18.12.2017, 18:15
Yaqinda Prezidentimiz “Paxtachilik tarmog‘ini boshqarish tizimini tubdan takomillashtirish chora-tadbirlari” to‘g‘risidagi yana bir muhim qarorni imzoladi. Bundan fermer xo‘jalik rahbari hamda deputat sifatida juda quvondim. Ushbu qaror tumanimiz va viloyatimiz fermerlarining ayrim muammolariga yechim topishda dasturilamal bo‘lib xizmat qiladi.
Ta’kidlashim kerakki, O‘zbekiston azaldan o‘zining oq oltini – paxtasi bilan jaxonga mashhur. Rivojlangan mamlakatlar o‘zbek paxtasini yetishtirish va qayta tayyorlashga juda katta qiziqish bildirishadi. Men ham 1994 yildan beri Yangibozor tumani “Xushnud” fermer xo‘jaligimda paxtachilik va bug‘doychilik bilan shug‘ullanaman. Dastlab oila a’zolarimiz bilan ish boshlagan bo‘lsak, hozirda safimiz 27 nafarga ko‘paydi. Ko‘p tarmoqli fermer xo‘jaligimizda chorvachilik, pillachilik, uzumchilik, sabzavotchilikni ham yo‘lga qo‘yganmiz. Yurtboshimizning baliqchilik sohasini rivojlantirish bo‘yicha chiqargan qarorlari asosida yaqinda imtiyozli kredit oldik va baliqchilik tarmog‘ini ham ishga tushirish arafasidamiz.
O‘zLiDeP Xorazm viloyat Kengashi bilan hamkorlikda biz, deputatlar ushbu qarorning mazmun-mohiyatini joylarda xalq bilan uchrashuvlar o‘tkazib targ‘ib qilib kelmoqdamiz.
Saliya MATYAQUBOVA,
Xalq deputatlari Xorazm viloyat
Kengashidagi O‘zLiDeP deputatlik guruhi a’zosi
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Qo‘rg‘ontepada qishloq xo‘jaligiga mo‘ljallangan yerlardan samarali foydalanish holati tahlil qilindi
26.01.2024, 16:23
-
Deputat ko‘magida aholi xonadonlariga ichimlik suvi yetib bormoqda
26.01.2024, 11:59
-
Deputatlik eshituvi tanqidiy-tahliliy ruhda o‘tdi
26.01.2024, 11:58
-
Boshqarma boshlig‘ining hisoboti eshitildi
25.01.2024, 15:34
-
Zominlik deputatlar tuman elektr tarmoqlari korxonasi rahbarining hisobotini eshitdilar
23.01.2024, 15:15
Fikringizni qoldiring