O‘zLiDeP делегацияси Хитойга жўнаб кетди
08.05.2024, 19:31
Сўнгги ўн йилликда фаоллашган глобаллашув жараёнлари турли даражадаги интеграция саъй-ҳаракатлари, жумладан партиялараро ҳамкорлик ривожига туртки бўлмоқда. Мазкур йўналишда, жумладан ЎзЛиДеП дастурий ҳужжатларида дунёнинг турли мамлакатлари билан партиялараро ҳамкорликни ривожлантиришга алоҳида эътибор қаратилмоқда. Бу борада сўнгги йилларда Си Цзиньпин раҳбарлиги остида дунёнинг қудратли мамлакатига айланган, иқтисодиёт ва бизнесни ривожлантиришнинг самарали тизимини яратган Хитой Халқ Республикаси алоҳида ажралиб туради.
Хитой билан кўп қиррали муносабатларни ривожлантириш Ўзбекистон ташқи сиёсатининг асосий устувор йўналишларидан бири бўлган ва шундай бўлиб қолади. Ҳозирда Ўзбекистон ва Хитой ўртасидаги муносабатлар ўз тарихидаги энг яхши даврни бошдан кечирмоқда. Буларнинг барчаси мамлакатларимиз раҳбарлари Шавкат Мирзиёев ва Си Цзиньпин ўртасидаги ишончли мулоқот, шунингдек давлат раҳбарлари иштирокидаги мунтазам саммитлар самарасидир.
Жорий йилнинг январ ойида қабул қилинган тарихий ҳужжат — Ўзбекистон-Хитой муносабатларини барча шароитларда ҳар томонлама стратегик шериклик даражасига олиб чиқадиган давлат раҳбарларининг Қўшма баёнотини ҳам алоҳида таъкидлаб ўтиш жоиз. Бунга ЎзЛиДеП ва ХКП ўртасидаги партиялараро ҳамкорликни кенгайтириш ҳам ўз ҳиссасини қўшади.
Шу тариқа, партия қурилиши, жамият ва давлат бошқаруви соҳасида ўзаро тажриба алмашишни кенгайтириш мақсадида Хитой Коммунистик партияси Марказий Қўмитасининг Халқаро бўлими таклифига биноан ЎзЛиДеП Раиси А. Хаитов бошчилигидаги вакиллик делегацияси ушбу мамлакатга жўнаб кетди. Шунингдек, унинг таркибига Сиёсий Кенгаш Ижроия қўмитаси масъул ходимлари, партиянинг вилоят ҳудудий Кенгашлари раҳбарлари ҳам кирган.
Хусусан, учрашувлар чоғида партия қурилиши, партиявий ўқувларни ташкил этиш, электорат билан ишлаш, партиявий қадриятларни тарғиб қилиш, рақамли технологияларни жорий этиш ва шу каби масалалар юзасидан фикр алмашиш режалаштирилган.
ЎзЛиДеП Матбуот хизмати
Ўхшаш янгиликлар
-
Кенг қамровли ҳамкорлик даражасига эришиш йўлида
20.05.2024, 11:49
-
Маданият — халқимиз, жамиятимиз қиёфаси
18.05.2024, 16:03
-
Энг фаоллари сараланяпти
18.05.2024, 15:15
-
100 нафар хотин-қизни ишли қилган тадбиркор аёл танловнинг маҳалла босқичи ғолиби бўлди
18.05.2024, 15:02
-
Шаҳрисабз туманидаги 21 та маҳалласининг ишбилармон аёллари ўзаро беллашдилар
18.05.2024, 14:24
Фикрингизни қолдиринг