Ўзбекистон ва Туркияни  ўхшаш маданиятлар ва анъаналарга асосланган дўстлик ва қардошлик ришталари боғлаб туради. Сўнгги йилларда мамлакатларимиз ҳамкорлиги стратегик шериклик ва кўп қиррали муносабатларнинг янги поғонасига кўтарилди. Барча даражалардаги мулоқотлар анча фаоллашди.

Улардан бири – Ўзбекистон билан Туркия ўртасидаги партиялараро ҳамкорлик бўлиб, бу алоқалар давлатлараро муносабатларни ривожлантириш ва аниқ мазмун билан тўлдиришга муносиб ҳисса бўлиб қўшилмоқда. 

O‘zLiDeP вакиллари Туркиянинг Ўзбекистон Республикасидаги фавқулодда ва мухтор элчиси Олган Бекар билан учрашди. Мулоқот давомида мазкур ва бошқа масалалар муҳокама этилди.  Туркия томони партиянинг ҳозирги ҳолати, O‘zLiDePнинг мамлакатимизда амалга оширилаётган кенг кўламли ислоҳотлардаги роли ва ўрни, шунингдек, унинг Ўзбекистондаги сиёсий жараёнлардаги иштироки билан таништирилди. O‘zLiDeP ва унинг электорати икки давлат ишбилармонлари доиралари учун мақбул шароитларни янада яхшилаш, инвестициявий муҳитни яхшилаш ва ҳамкорликдаги кооперацион лойиҳаларни амалга ошириш тарафдори эканлиги таъкидланди.  

Учрашув илиқ, дўстона вазиятда ўтди. 

O‘zLiDeP матбуот хизмати