O'zLiDeP faxriylari 240 nafar yoshlarga tadbirkorlikning sir asrorlarini o‘rgatishdi
20.12.2022, 10:09
Keksalarga hurmat-ehtirom qadimiy qadriyatlarimiz sirasiga kirib, iymon-e’tiqodli, ixlosli va nuroniy keksalarning fazilatlaridan ibrat olish, ularning hayotiy tajribasini o‘rganishga millatimizning har bir vakili o‘zining burchi deb qaraydi va buni eng ulug‘ savobli ishlardan deb biladi.
Shu maqsadda O'zLiDeP Samarqand viloyat Faxriylar Kengashi tashabbusi bilan Samarqand tumanidagi “Navobod naslli parranda” MChJda “Keksalar o‘giti – yoshlar maktabi” mavzusida davra suhbati tashkil etildi.
Tadbirda partiya viloyat Faxriylar Kengashi raisi, “Navobod naslli parranda” MChJ rahbari Haydar O’roqov yoshlarga ta’lim-tarbiya berishda, tadbirkorlik sir asrorlarini o‘rgatib, o‘rnak bo‘lishda katta avlod vakillarining tutgan o‘rniga alohida to‘xtalib o‘tildi. Ularning hayotiy tajribalari, millatimizning urf-odatlari, tarixi va madaniyatini bilishlari muhim ahamiyat kasb etishi tushuntirildi.
Ma’lumot uchun, bugungi kunda “Navobod naslli parranda” MChJ qoshida “Parrandachilik va uzumchilik maktabi” tashkil qilingan bo‘lib, joriy yilda mazkur maktabda 240 nafarga yaqin yoshlar parrandachilik va uzumchilikni sir asrorlarini o‘rganishdi. Ahamiyatli tomoni shuki, ushbu maktabda darslar bepul tashkil qilingan. “Parrandachilik va uzumchilik maktabi” tashkil qilishdan maqsad yoshlarni bo‘sh vaqtlarini unumli o‘tkazish, ularni tadbirkorlikka qiziqtirish orqali daromad topishlarida yordam ko‘rsatishdir.
Jaxongir Xujamkulov,
O'zLiDeP Samarqand viloyat Kengashi
bo‘lim mudiri
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring