Deputatlar tadbirkorlikni boshlash istagidagi fuqarolarning 20 dan ortiq murojaatlarini hal qildi
01.03.2024, 21:57
O'zLiDeP Samarqand viloyati va Paxtachi tumani Kengashi vakillari, mahalliy kengash deputatlari, mutasaddi rahbarlar va tadbirkorlar ishtirokida ochiq muloqot o‘tkazildi.
Muloqot davomida tadbirkorlar va o‘z tadbirkorligini boshlash istagidagi fuqarolarning 20 dan ortiq murojaatlari qabul qilindi. Murojaatlarning aksariyati joyida o‘z yechimini topdi.
Xususan, “Tadbirkor” mahallasida istiqomat qiluvchi Shodmonov Shoxjaxon tadbirkorlik uchun kredit olib berishda amaliy yordam so‘radi. Bunga Mikrokredit bankidan imtiyozli kredit ajratiladigan bo‘ldi.
Paxtachi tumani Guliston mahallasida yashovchi Nurullayeva Sitora tikuvchilikka qiziqishi borligi, lekin tadbirkorligini boshlashi uchun tikuv mashinasiga ehtiyoji borligini bildirdi. Ushbu masala partiya deputatlari nazoratiga olindi.
Paxtachi tumani Fay mahallasida yashovchi Gulnoza Qorayeva “Ayollar daftari”ga kiritilgan bo‘lib, o‘z tomorqasida issiqxona qurmoqchi ekanligini aytdi. Paxtachi tumani bandlikka ko‘maklashish markazi tomonidan subsidiya asosida issiqxona qurib beriladigan bo‘ldi.
Muloqot davomida bildirilgan murojaatlar yoki hal qilinmagan masalalar yuzasidan tegishli mutasaddi tashkilotlarga deputatlik so‘rovlari chiqariladigan bo‘ldi.
Nodir To‘rayev,
O'zLiDeP Samarqand viloyat Kengashi bo‘lim mudiri
O'xshash yangiliklar
-
Madaniyat — xalqimiz, jamiyatimiz qiyofasi
18.05.2024, 16:04
-
Eng faollari saralanyapti
18.05.2024, 15:16
-
100 nafar xotin-qizni ishli qilgan tadbirkor ayol tanlovning mahalla bosqichi g‘olibi bo‘ldi
18.05.2024, 15:03
-
Shahrisabz tumanidagi 21 ta mahallasining ishbilarmon ayollari o‘zaro bellashdilar
18.05.2024, 14:24
-
Choponlikda tengi yo‘q xotin-qizlar baxslashdilar
18.05.2024, 13:57
Fikringizni qoldiring