Yosh xotin – qizlar uchun o‘quv seminar tashkil etildi
27.03.2024, 12:40
O`zLiDeP Samarqand shahar Kengashi tashabbusi bilan “Bunyodkor ayollar” loyihasi doirasida yosh xotin – qizlar uchun o‘quv seminar tashkil etildi.
Tadbirda xalq deputatlari Samarqand shahar Kengashidagi O`zLiDeP deputatlik guruhi a’zolari, partiya faollari, tadbirkorlik faoliyatini boshlash ishtiyoqidagi qizlar ishtirok etdilar.
- Ma’lumki, mazkur loyiha orqali xotin-qizlarda tadbirkorlik va ishbilarmonlik ko‘nikmalarini shakllantirish, ularning biznes faoliyatini to‘g‘ri tashkil etishga o‘rgatish, kichik biznes va xususiy tadbirkorlikka jalb etish kabi bir qator maqsadlar belgilangan, - deydi partiya Samarqand shahar Kengashi apparat rahbari Fazliddin G’aybullayev. – Shu sabab, mazkur loyiha doirasidagi bugungi tadbirda tadbirkorlik faoliyatini boshlamoqchi bo‘lgan yosh xotin-qizlarga mahorat darsi tashkil qilindi.
E’tiborli tomoni, mazkur tadbirni yig‘ilish tarzida emas, balki mahorat darsi sifatida bevosita shahar markazidagi “Ak-sham” MChJda tashkil etilgani, uning samaradorligini oshirishga xizmat qildi.
“Ak-sham” MChJ rahbari Shamsiya Urunovani ish faoliyati bilan yaqindan tanishgan “Mahorat darsi” ishtirokchilari tadbirkorlik faoliyatini tashkil qilish borasida ko‘plab foydali ma’lumotlarni olish bilan bir qatorda, xaridorgir mahsulotlar tayyorlash sir-asrorlarini ham o‘rgandilar.
Marhabo Chuliyeva,
O`zLiDeP Samarqand viloyat Kengashi
bo‘lim mudiri
O'xshash yangiliklar
-
Poytaxtlik ishbilarmon xotin-qizlar mahallalar kesimida saralanyapti
25.04.2024, 12:01
-
Dehqonobodlik deputatlar bilan muloqot qilindi
25.04.2024, 11:50
-
Byudjet mablag‘lari hisobidan ortiqcha sarf-xarajatlarga yo‘l qo‘ymaslik lozim
25.04.2024, 11:46
-
Kasbida aholi daromadlarini oshirish borasida qilinayotgan ishlar o‘rganildi
25.04.2024, 09:15
-
Yoshlarning biznesga qiziqishi yana-da ortmoqda
24.04.2024, 17:07
Fikringizni qoldiring