O‘zLiDeP “Samarkand apparel” xususiy korxonasida yoshlarga seminar o‘tkazdi
22.10.2018, 16:46
O‘zLiDeP Samarqand viloyat va shahar Kengashlari hamkorligida “Samarkand apparel” xususiy korxonasida “Yirik korxonalar asosida kichik bizneslar va ishchi o‘rinlarini yaratish” mavzusida amaliy o‘quv – seminari tashkil etildi. Seminarda tadbirkorlikni boshlamoqchi bo‘lgan yoshlar va xotin-qizlar ishtirok etdi.
Tadbirda “Har bir oila - tadbirkor”, “Yoshlar – kelajagimiz” Davlat dasturlarining mazmun-mohiyati batafsil tushuntirildi.
- Ushbu tadbirdan ko‘zlangan maqsad yoshlarda tadbirkorlik va ishbilarmonlik ko‘nikmalarini shakllantirish, tadbirkorlik faoliyatini boshlamoqchi bo‘lgan yoshlar, xotin-qizlarning moliyaviy, huquqiy savodxonligini oshirish, ularga marketing va xodimlarni boshqarish bo‘yicha amaliy ko‘nikmalarini berishdan iborat, - deydi O‘zLiDeP Samarqand shahar Kengashi raisining birinchi o‘rinbosari-apparat rahbari Hasan Xo‘jaqulov.
Tadbirdan so‘ng yoshlar «Bofanda» MChJ negizida tashkil etilgan “Samarkand apparel” xususiy korxonasi faoliyati bilan yaqindan tanishdi.
Ta’kidlash joizki, mazkur korxona tekstil mahsulotlarini ishlab chiqarishga mo‘ljalangan bo‘lib, bir necha yildan buyon Janubiy Koreyaning “YOUNGONE” kompaniyasi bilan hamkorlik qilib kelmoqda. O‘tgan davr mobaynida korxonaga 12 mln. dollarlik investitsiya kiritilishi hisobiga korxona yangi zamonaviy jixozlar bilan ta’minlandi. Hozirda bu yerda 300 nafarga yaqin ishchi-xodimlar mehnat qilmoqda. Ushbu korxonada bolalar va kattalar uchun mavsumiy kiyim-kechaklar, ish formalari ishlab chiqarilib, mahsulotlarning asosiy qismi xorijga eksport qilinadi.
Baxtigul Qarshiyeva
O‘zLiDeP Samarqand
viloyat Kengashi
matbuot kotibi
O‘zLiDePning Facebook va Instagramdagi rasmiy sahifasi hamda Telegram’dagi kanaliga a’zo bo‘lib, so‘nggi yangiliklardan xabardor bo‘ling!
Fikringizni qoldiring
O'xshash yangiliklar
-
Xizmat ko‘rsatish salmog‘i ortmoqda
17.01.2024, 16:31
-
140 turdagi mebel mahsulotlari ishlab chiqarayotgan O’zLiDeP faolining yillik daromadi 11,4 mlrd. so‘mni tashkil etadi
06.10.2023, 14:02
-
Deputatlar tadbirkorlarning takliflarini o‘rgandi
29.09.2023, 15:47
-
Tadbirkorlar muvaffaqiyatga erishish sirlari bilan o‘rtoqlashdi
22.09.2023, 15:22
-
Deputatlar va tadbirkorlar muloqotida qilingan murojaatlar nazoratga olindi
21.09.2023, 17:22
Bildirilgan fikrlar
Холмурод Сориев, Халқ депутатлари Нуробод туман Кенгашидаги O'zLiDeP депутатлик гуруҳи раҳбари2018-10-22 20:19:55
Илғор чет эл мамлакатлари ишбилармон -тадбиркорлари билан бундай ҳамкорликни кучайтириш, кенгайтириш- янги иш ўринларининг яратилиши, ишлаб чиқаришнинг ўсиши, пировардида халқ фаровонлигининг ошиши демакдир.