O‘zLiDeP sayyor qabulida 10 muammo hal etildi
10.01.2018, 18:59
O‘zLiDeP Farg‘ona shahar Kengashi tomonidan shaharning Farg‘ona, Oqariq, Nafosat va Sohibkor mahalla fuqarolar yig‘ini hududida istiqomat qilayotgan aholini qiynab kelayotgan ijtimoiy, kommunal muammolar yuzasidan o‘rganishlar olib borildi. O‘rganish natijasida mazkur hududlarda toza ichimlik suvi taqchilligi, tabiiy gaz va elektr energiyasini yetkazib berishda uzilishlar hamda yo‘l belgilarini o‘rnatish va ko‘chalarni asfaltlashga oid muammolar borligi aniqlandi.
Yuqoridagilardan kelib chiqib, O‘zLiDeP Farg‘ona viloyat va shahar Kengashi hamkorlikda xalq bilan to‘g‘ridan-to‘g‘ri muloqot o‘tkazish, aniqlangan muammolar va boshqa masalalarni hal etishda amaliy yordam ko‘rsatish maqsadida sayyor qabul tashkil etildi.
Sayyor qabulda xalq deputatlari Farg‘ona shahar Kengashidagi O‘zLiDeP deputatlik guruhi a’zolari, Farg‘ona shahar hokimining o‘rinbosari, shahardagi ijro hokimiyatining mas’ul rahbarlari ishtirok etdi.
Sayyor qabulda hudud aholisi tomonidan o‘rganish davomida aniqlangan muammolar – aholini toza ichimlik suvi bilan ta’minlash, ko‘chalarni yoritish bilan bog‘liq muammolar, oqava gaz yetkazib berishdagi mavjud kamchiliklar haqida so‘z bordi.
Sayyor qabulda barcha murojaatlar ko‘rib chiqildi. 10 muammo sayyor qabul davomida hal etilgan bo‘lsa, qolgan murojaatlar yuzasidan mutasaddi tashkilotlarga deputatlik so‘rovlari chiqarilib, ijrosi nazoratga olindi.
A.OTABOYEV,
O‘zLiDeP Farg‘ona viloyati
Kengashi matbuot xizmati
O‘zLiDePning Facebook’dagi rasmiy sahifasi va Telegram’dagi kanaliga a’zo bo‘lib, so‘nggi yangiliklardan xabardor bo‘ling!
O'xshash yangiliklar
-
Madaniyat — xalqimiz, jamiyatimiz qiyofasi
18.05.2024, 16:04
-
Eng faollari saralanyapti
18.05.2024, 15:16
-
100 nafar xotin-qizni ishli qilgan tadbirkor ayol tanlovning mahalla bosqichi g‘olibi bo‘ldi
18.05.2024, 15:03
-
Shahrisabz tumanidagi 21 ta mahallasining ishbilarmon ayollari o‘zaro bellashdilar
18.05.2024, 14:24
-
Choponlikda tengi yo‘q xotin-qizlar baxslashdilar
18.05.2024, 13:57
Fikringizni qoldiring