“O‘zLiDeP кутубхонаси” лойиҳаси доирасида ҳазорасплик ёшлар ўртасида китобхонлик беллашуви ўтказилди
14.12.2021, 11:40
“O‘zLiDeP кутубхонаси” лойиҳаси доирасида тарғибот-ташвиқот ишлари юксак самарада ташкил қилиняпти.
Мазкур лойиҳа Хоразм ёшларининг ҳам эътиборини қозонишга, уларни бирлаштиришга ва албатта китобга бўлган меҳрларини янада оширишга замин яратди. "O'zLiDeP кутубхонаси" лойиҳасининг навбатдаги манзили Ҳазорасп тумани бўлди. Туман ёшлари билан бирга ўтказилган лойиҳа доирасида уларнинг китобга бўлган меҳрини янада ошириш, китоб маданиятини шакллантириш ва китоб ўқишни ривожлантириш мақсадида "Зукко китобхон" интелектуал ўйинининг туман босқичи ҳам ўтказилди. Ёшлар иттифоқи туман бўлими билан ҳамкорликда ташкил этилган тадбирда тумандаги "Ёшлар дафтари"га киритилган ёшлардан 4 та жамоа, бошқа кўнгилли ёшлардан 9 та жамоа иштирок этди.
Тадбирда сўз олганлар Президентимизнинг китобхонликни тарғиб қилишни илгари сурган Фармон ва қарорлари ҳамда ушбу лойиҳанинг мазмун-моҳияти, маънавият, маданият, яхшилик, эзгулик, ватанпарварлик, инсонийлик каби барча эзгу фазилатлар илдизи китоб мутолааси билан туташиб кетганлиги хусусида атрофлича гапирдилар.
Беллашув натижаларига кўра ўзларининг зукко ва билимлилигини исботлаган "Лидерлар" жамоаси 1-ўринга лойиқ деб топилиб, вилоят босқичига йўлланма олишди. Ғолиб ва совриндор жамоалар Халқ депутатлари Ҳазорасп туман кенгашидаги O‘zLiDeP депутатлик гуруҳининг эсталик совғалари билан тақдирландилар.
Ҳа, китоб инсоннинг фикрини теранлаштиради, саводхонлигини юксалтиради. Асосийси, китоблар қандай мавзуда бўлишидан қатъий назар, фақат ва фақат яхшиликка, эзгуликка хизмат қилади. Шундай экан бугун ёшлар орасида китобхонликни тарғиб қилишдек хайрли ишларда ҳар биримиз фаол ва ташаббускор бўлишимиз лозим.
Шаҳноза Якубова,
O‘zLiDeP Хоразм вилоят Кенгаши
Ёшлар билан ишлаш бўлими мудири
Ўхшаш янгиликлар
-
Ёшларнинг бизнесга қизиқиши янада ортмоқда
24.04.2024, 17:07
-
Талаба-ёшларнинг партия лойиҳаларига қизиқиши ортмоқда
09.04.2024, 19:17
-
Нукуслик ёшларнинг молиявий саводхонлиги оширилди
31.03.2024, 09:59
-
Ёшларнинг молиявий саводхонлиги оширилди
16.03.2024, 14:43
-
Депутат талабаларнинг таълим ва иш билан бандлик йўналишидаги муаммолари билан қизиқди
07.03.2024, 10:48
Фикрингизни қолдиринг