Халқ депутатлари маҳаллий Кенгаши депутатлари Олимхон Бабаханов ва Ғиёсиддин Бабахановлар ташаббуси билан сайлов округи ҳудудидаги “Соҳибкор” ва “Ойдинкўл” маҳаллаларида уйма-уй юриб, “Темир дафтар” ва “Аёллар дафтари”га киритилган боқувчисини йўқотган, ногиронлиги бўлган ва эҳтиёжманд хонадонларга ташриф буюрилди.

Хонадонлар холидан хабар олиниб, бугунги тинч ва осуда ҳаётимизнинг қадрига етиш, одамларни бир-бирига яхшилик қилиб, тотув ва баҳамжиҳат бўлиб яшаши ҳаётимизнинг асосий мазмунига айланмоғи лозимлиги таъкидлаб ўтилди.

Албатта, амалга оширилаётган бу каби ишлар эҳтиёжманд кишиларни ҳар томонлама қўллаб-қувватлаш, оилалар ва маҳаллаларда меҳр-оқибат ва ўзаро ҳурмат муҳитини мустаҳкамлашга хизмат қилади.