O’zLiDeP Наманган вилоят Кенгаши тадбиркорлар билан яқиндан ҳамкорлик ўрнатиш, уларнинг ҳуқуқ ва манфаатларини ҳимоя қилиш мақсадида турли корхоналарда давра суҳбатлари, мулоқотлар ўтказиб келмоқда.

Навбатдаги ана шундай тадбир Наманган туманининг “Катта Тошбулоқ” кичик саноат зонасида жойлашган “NAMMOTORS servis” МЧЖ да ташкилланди. Унда Кенгашнинг ёшлар ва бизнес тузилмалар, аёллар билан ишлаш бўлимларининг мудирлари Дилноза Холматова, Ҳуснида Иминжанова ҳамда Олий Мажлис Қонунчилик палатаси депутати Сардор Ғиёсовнинг ёрдамчиси Ҳилола Отаханова, туман Кенгаши аппарат раҳбари Рустам Дадақўзиевлар биргаликда мазкур корхона фаолияти, бу ерда яратилган иш ўринлари, шароитлар билан яқиндан танишдилар.

2020 йилда кичик саноат зонасида барпо этилган ушбу корхонада 80 киши иш билан таъминланган, уларнинг 10 нафари кам таъминланган оила вакиллари бўлган хотин–қизлар ташкил этади. Бу ерда асосан сув, насос ва электр двигателлари ишлаб чиқарилади ва маҳсулотлар Қозоғистон,  Қирғизистон Республикаларига экспорт қилинади.

Тадбир давомида корхона ишчи–хизматчилари, хусусан, хотин-қизлар, ёшлар вакиллари билан мулоқот ўтказилди. Уларга Янги Ўзбекистоннинг Тараққиёт стратегияси, Олий Мажлис Қонунчилик палатасида муҳокама қилинаётган, қабул қилинаётган янги қонунлар, партиянинг ёшларга, хотин-қизларга мўлжалланган лойиҳалари ҳақида тушунча берилди. Тадбир иштирокчилари ўзларини қизиқтирган саволларига жавоблар олишди.  

Комилжон Файзиев,

O'zLiDeP фаоли