Конституцияни такомиллаштириш жараёни O'zLiDeP қуйи бўғинларида ҳам муҳокама этилмоқда
01.06.2022, 17:20
Ўзбекистон ёшлар ишлари агентлиги Когон туман бўлими ҳузуридаги БПТда Ўзбекистон Республикаси Конституциясини ислоҳ қилиш жараёнига бағишлаб давра суҳбати бўлиб ўтди.
Ташкил этилган тадбирда O'zLiDeP туман Кенгаши масъуллари, маҳаллий Кенгаш депутатлари, БПТ раислари ҳамда аъзолари иштирок этди.
Мазкур тадбирни ташкил этишдан кўзланган асосий мақсад – Конституциявий ислоҳотларни амалга оширишда O'zLiDeP фаолларининг ўз ўрни ва юксак масъулияти борлигини, мазкур жараёнда улар ҳам фойдали таклифлари билан фаол иштирок этишлари ва ҳудудларда бу борадаги тарғибот-ташвиқот ишларини кучайтиришлари зарурлигини тингловчилар онгига етказиш, улар саводхонликларини оширишдан иборатдир.
Давра суҳбати давомида сўзга чиққанлар Конституцияни такомиллаштириш жараёнида, ушбу муҳим ҳужжатнинг асосий бандларини Тараққиёт стратегиясида белгилаб берилган устувор вазифаларга мослаштириш зарурлигини таъкидлади. Ёшларнинг бу борадиги фаоллигини ошириш, айниқса, ёшлар ишлари агентлигининг шаҳар ва туманларидаги бўлимлари ҳузурида иш юритаётган фаол волонтёрлар билан ҳамкорликда жойлардаги тарғибот-ташвиқот ишларини кучайтириш ҳам шу куннинг муҳим вазифаларидан бири бўлиб ҳисобланиши алоҳида қайд этилди.
Ўхшаш янгиликлар
-
Таълим соҳаси вакиллари партия тарғиботида фаол
09.04.2024, 20:14
-
“Бунёдкор текстилда” қуйи бўғин фаолияти жонланмоқда
08.04.2024, 17:00
-
217 нафар партия аъзоси бўлган корхонадаги қуйи бўғиннинг фаолиятига баҳо берилди
05.04.2024, 12:55
-
Вилоят ҳокими ўринбосарининг ҳисоботи эшитилди
04.04.2024, 11:08
-
Бухоролик маслакдошларимиз сафи тобора кенгайиб бормоқда
02.04.2024, 16:54
Фикрингизни қолдиринг