O'zLiDeP Наманган вилоят Кенгаши ҳамда Давлатобод туман Кенгаши ҳамкорлигида тадбиркор фаолияти билан ёшларни таништириш мақсадида 20 август тадбиркорлар билан очиқ мулоқот куни муносабати билан пресс тур ташкил этилди. Пресс тур иштирокчилари Давлатобод туманида жойлашган Қутбиддинов Исломбек раҳбарлик қилаётган “IMRON Textil” МЧЖда бўлдилар.

Мазкур корхонада сифатли эркаклар футболкаси ишлаб чиқариш ва ички бозорни арзон эркаклар футболкаси билан таъминлаш билан бирга чет давлатларга экспорт қилиш йўлга қўйилган.

Пресс тур иштирокчилари корхонадаги ишлаб чиқариш жараёни билан танишаркан, тадбиркор ёшларнинг бизнесини ривожлантириш, тадбиркорлик лойиҳа ва ғояларини ҳаётга тадбиқ этишда нималарга эътибор қаратиш лозимлиги бўйича ўзининг фикр-мулоҳазалари билан ҳам ўртоқлашди. Дастлаб 10 нафар ишчи билан ўз фаолиятини бошлаган корхонада бугун 100дан ошиқ маҳаллий аҳоли бандлиги таъминланган. Келгусида фаолиятни янада кенгайтириб, янги ишчи ўрини яратиш режалаштирилган. Пресс тур иштирокчилари янги ташкил этиладиган иш ўринларига таклиф этилди.

Қизғин муҳокамаларга бой бўлган давра суҳбатида иштирокчилар ўзларини қизиқтирган барча саволларига жавоб олишди.