Телетиббиёт концепцияси: илғор тажриба ва самарали натижалар дегани
20.09.2022, 16:13
ШҲТнинг Самарқанд саммитида бугунги кунда аҳоли соғлиғига хавф туғдираётган янги хатар ва таҳдидларга биргаликда қарши курашиш кўламини кенгайтириш масаласига ҳам тўхталиб ўтилди.
Негаки, бугун инсоният аввал маълум бўлмаган инфекциялар билан тўқнаш келмоқда. Уларга қарши курашиш кундалик турмушимизнинг бир қисмига айланмоқда. Шу муносабат билан Президентимиз Ш.Мирзиёев саммитда Эпидемия таҳдидларига қарши курашиш бўйича қўшма чора-тадбирларнинг комплекс режаси қабул қилинишини олқишлашини алоҳида қайд этди.
Ваҳоланки, мазкур режанинг амалга оширилишини таъминлаш, хавфли инфекцион касалликларнинг тарқалиши тўғрисидаги ахборот билан таъсирчан алмашинувни йўлга қўйиш муҳимдир. Шу боисдан Ташкилотга аъзо мамлакатларнинг соҳага ихтисослашган шифохоналари ўртасида самарали ҳамкорликни йўлга қўйиш мақсадида Эпидемияга олиб келувчи касалликларга қарши курашиш бўйича тиббиёт муассасалари тармоғини яратиш таклиф этилди.
Ушбу тармоқ доирасида инфекцион касалликларни диагностика, профилактика қилиш ва даволаш бўйича тажриба алмашиш, қўшма врачлар гуруҳлари фаолиятини ташкил этиш ва уларни тайёрлашга қаратилган ўзаро манфаатли лойиҳаларни амалга ошириш мумкин.
Сир эмаски, пандемия шароитида соғлиқни сақлашга янги масофавий технологияларни жорий этиш зарурати ортиб бормоқда. Шу муносабат билан телетиббиёт соҳасидаги ҳамкорлик концепциясини ишлаб чиқиш таклифи ҳам билдирилди. Концепцияда врачларни кенг турдаги касалликларни даволашда телетиббиёт усулларига ўқитиш ҳамда ушбу соҳадаги илғор тажриба алмашиш назарда тутилади.
Албатта, барча соҳалар каби тиббиёт ҳам ривожланишдан тўхтамаслиги лозим. Бу йўналишда давлатларнинг ўзаро тажриба алмашиниши, янги технологияларни татбиқ этилиши инсоният саломатлигига хавф солаётган хатарларни бартараф қилишда қўл келади.
Гулбаҳор Тангирова,
O‘zLiDeP Сурхандарё вилояти Кенгаши депутати,
партиянинг Жарқўрғон тумани Кенгаши раиси
Ўхшаш янгиликлар
-
Ипакчилик соҳасида бозор механизмлари жорий этилиши пиллачилик истиқболи учун хизмат қилади
18.05.2024, 13:23
-
Халқаро ташкилотлар юртимизда гендер тенглик бўйича амалга оширилаётган ислоҳотларни алоҳида эътироф этмоқда
16.05.2024, 11:04
-
Ўзбекистонда хотин-қизларнинг ҳуқуқ ва имкониятлари кенгаймоқда
14.05.2024, 13:55
-
Сайловолди дастури ижроси: парламент назорати ва фракциялараро рақобат
13.04.2024, 21:48
-
Жиззахда томорқаларни ишга солиш бўйича 309 та маҳаллага лидер тадбиркор – экспортчилар бириктирилиши белгиланди
09.04.2024, 20:27
Фикрингизни қолдиринг