Аввал хабар берганимиздек, O'zLiDeP депутатлари ва фаолларидан таркиб топган ишчи гуруҳ жойларга чиққан ҳолда бу йилги қиш мавсумини беталофот ўтказиб олиш, бу борада аҳоли хонадонларини иситиш тизими билан мунтазам таъминлаб туриш мақсадида юзага келаётган муаммоларни ўрганяпти, аҳоли эҳтиёжлари учун кўмир, газ баллонлари билан таъминлаб беришда амалий кўмак кўрсатиб келмоқда.

19-Нодира сайлов округидан Халқ депутатлари Кармана туман Кенгаши депутатлигига сайланган Ю.Муродов "Янгиариқ" МФЙда жойлашган "Лола" узумчилик-боғдорчилик ширкатида аҳолининг қишки мавсумга тайёргарлигини ўрганиш мақсадида фуқаролар билан учрашди.

Мулоқотда аҳоли томонидан қиш мавсумини беталофот ўтказиш ҳамда хонадонларни иситиш учун кўмир билан таъминлаб беришда амалий ёрдам сўралди.

Депутат зудлик билан аҳоли мурожаатини ижобий ҳал қилган ҳолда  ушбу ҳудудга 10 тонна кўмир етказиб берди. Аҳоли депутат саъй-ҳаракатидан мамнун бўлишди.

Бундан ташқари ушбу ширкат ҳудудидаги симёғочлар қўлбола қилиб ўрнатилганлиги сабабли, уни янгисига алмаштириб беришда тегишли ташкилотга депутатлик сўрови чиқарилди.

O'zLiDeP Навоий вилоят Кенгаши

матбуот хизмати