Олий Мажлис Қонунчилик палатаси Спикери ўринбосари, ЎзЛиДеП Фракцияси раҳбари Актам Хаитов Термиз шаҳридаги Жўйжангал маҳалласида жойлашган «Glass-expo» масъулияти чекланган жамияти фаолияти билан ҳам яқиндан танишди. Корхона ҳозирда кунига 300-400 квадрат метр ўлчамдаги ойнани қайта ишлаб чиқариб, маҳаллий бозорга чиқармоқда. Бунинг учун Хитой, Россия ва Италия давлатларидан келтирилган ускуналар қўл келмоқда.

— Қиймати 3 миллион АҚШ доллари миқдорига эга бўлган корхона 2020 йилда ишга туширилган эди, — дейди МЧЖ раҳбари Қувондиқ Аллаков. — Ҳозирги кунда 30 нафардан ортиқ ишчи меҳнат қилишмоқда. Улар учун барча зарур шароитларни яратганмиз. Келгусида корхонанинг тўлиқ қувват билан ишлаши учун қўшимча ускуналар келтириб, фаолиятини янада кенгайтирмоқчимиз.

Партия лидери корхонадаги ишлаб чиқариш жараёни билан танишар экан тадбиркорни қийнаётган муаммолар билан ҳам қизиқди. Ва бу бўйича зарур тавсияларини бериб ўтди.

O'zLiDeP Сурхондарё вилояти Кенгаши

матбуот хизмати