Ёш хотин – қизлар учун ўқув семинар ташкил этилди
27.03.2024, 12:37
O`zLiDeP Самарқанд шаҳар Кенгаши ташаббуси билан “Бунёдкор аёллар” лойиҳаси доирасида ёш хотин – қизлар учун ўқув семинар ташкил этилди.
Тадбирда халқ депутатлари Самарқанд шаҳар Кенгашидаги O`zLiDeP депутатлик гуруҳи аъзолари, партия фаоллари, тадбиркорлик фаолиятини бошлаш иштиёқидаги қизлар иштирок этдилар.
- Маълумки, мазкур лойиҳа орқали хотин-қизларда тадбиркорлик ва ишбилармонлик кўникмаларини шакллантириш, уларнинг бизнес фаолиятини тўғри ташкил этишга ўргатиш, кичик бизнес ва хусусий тадбиркорликка жалб этиш каби бир қатор мақсадлар белгиланган, - дейди партия Самарқанд шаҳар Кенгаши аппарат раҳбари Фазлиддин Ғайбуллаев. – Шу сабаб, мазкур лойиҳа доирасидаги бугунги тадбирда тадбиркорлик фаолиятини бошламоқчи бўлган ёш хотин-қизларга маҳорат дарси ташкил қилинди.
Эътиборли томони, мазкур тадбирни йиғилиш тарзида эмас, балки маҳорат дарси сифатида бевосита шаҳар марказидаги “Ак-шам” МЧЖда ташкил этилгани, унинг самарадорлигини оширишга хизмат қилди.
“Ак-шам” МЧЖ раҳбари Шамсия Уруновани иш фаолияти билан яқиндан танишган “Маҳорат дарси” иштирокчилари тадбиркорлик фаолиятини ташкил қилиш борасида кўплаб фойдали маълумотларни олиш билан бир қаторда, харидоргир маҳсулотлар тайёрлаш сир-асрорларини ҳам ўргандилар.
Марҳабо Чулиева,
O`zLiDeP Самарқанд вилоят Кенгаши
бўлим мудири
Ўхшаш янгиликлар
-
Ёшларга бизнесни қўллаб-қувватлашга оид қонунчликдаги янгиликлар тушунтирилди
26.04.2024, 15:41
-
Пойтахтлик ишбилармон хотин-қизлар маҳаллалар кесимида сараланяпти
25.04.2024, 12:00
-
Деҳқонободлик депутатлар билан мулоқот қилинди
25.04.2024, 11:46
-
Бюджет маблағлари ҳисобидан ортиқча сарф-харажатларга йўл қўймаслик лозим
25.04.2024, 11:42
-
Касбида аҳоли даромадларини ошириш борасида қилинаётган ишлар ўрганилди
25.04.2024, 09:13
Фикрингизни қолдиринг