дея ҳаққоний эътироф этилаётган Қандим газни қайта ишлаш мажмуаси Ўзбекистонга фақат табиий хомашё билан чекланиб қолмай, уни чуқур қайта ишлаш борасида ҳам катта имконият яратади. 

Марказий Осиёдаги фойдали қазилма бойликларининг учдан бир қисми жойлашган мамлакатимизда кейинги йилларда табиатнинг беминнат неъматлари бўлган, ер усти ва ер ости бойликларидан оқилона фойдаланиш борасида жуда катта ишлар олиб борилаяпти. Айниқса энергетика соҳасини, жумладан, нефть ва газ саноатини тубдан ривожлантириш бўйича стратегик янгиланишлар амалга оширилаётгани сир эмас.

Бухорода қад ростлаган, саҳро бағридаги ҳақиқий мўъжиза Қандим газни қайта ишлаш заводи ана шундай ислоҳотларнинг амалий натижасидир. Эндиликда бу ерда йилига 8 миллиард куб метрдан ортиқ табиий газ қазиб олиш ва уни қайта ишлаш, тозаланган товарбоп газ ҳамда 130 минг тоннадан зиёд барқарор газ конденсатини олиш  мумкин. Энг асосийси бу билан икки йилда 2000 мингдан ортиқ иш ўрни яратилмоқда.

Партиямиз ўзининг иқтисодиётни либераллаштириш ва бозор ислоҳотларини чуқурлаштириш соҳасидаги устувор йўналишларидан келиб чиқиб, мазкур мажмуанининг ишга туширилишини мамлакатимизда инвестицион муҳитни яхшилаш, Ўзбекистон иқтисодиётининг етакчи тармоқларидан бири бўлган нефть-газ соҳасига инновацион технологияларни жорий этиш орқали саноатнинг кўп меҳнат талаб қилинадиган қайта ишловчи тармоқларига инвестициялар киритишнинг ёрқин намунаси сифатида баҳолайди. Биз иқтисодиётда тайёр маҳсулот ишлаб чиқарадиган, минерал ва қишлоқ хўжалиги хомашёсини тўлиқ қайта ишлайдиган корхоналар катта улушга эга бўлиши керак деб ҳисоблаймиз. Қолаверса, биз Қандим газни қайта ишлаш мажмуаси каби йирик корхоналарнинг ишга туширилишини энг аввало мамлакатимиз чекка ҳудудларининг ҳам инвестицион жозибадорлигини ошириш, йирик ишлаб чиқаришлар атрофида саноат-ишлаб чиқариш, кичик бизнес ва хусусий тадбиркорлик субъектларини фаол жалб қилишга хизмат қиладиган жуда катта имконият деб биламиз.

Шуни алоҳида таъкидлаш керакки, жаҳон миқёсида вақти-вақти билан такрорланаётган глобал иқтисодий инқирозлар сабабларини таҳлил қилиш асносида хулоса чиқарган айрим олимларнинг фикрича, ҳалокатли инқироздан чиқиш йўлини топишнинг муҳим йўлларидан бири аввало  замонавий технологияларнинг принципиал жиҳатдан янги авлодини ўзлаштириш ва уни иқтисодиётнинг энг илғор тармоқларига йўналтириш энг тўғри йўлдир.

Шу маънода Қандим газни қайта ишлаш мажмуасининг ишга туширилиши Ўзбекистонда газ конларини ўзлаштиришда янги, инновацион босқични бошлаб берди. Бу эса аввало мамлакатимизнинг халқро миқёсидаги нуфузини ошириб, халқимиз фаровонлиги янада яхшилашга хизмат қилади.

Фармон АМИНОВ, 

O‘zLiDeP Бухоро вилоят Кенгаши раиси

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!