O‘zLiDeP Наманган вилоят Кенгаши томонидан Поп туманида сайёр қабул ташкил этилди. Сайёр қабул давомида ҳудуд аҳолиси томонидан  иссиқхона ташкил этиш, ер майдони ажратиш, иш ҳақи ва бошқа масалалар бўйича 43 га яқин мурожаатлар келиб тушди.

Масалан, “Хонобод” МФЙда яшовчи Холмуҳаммад Сафаров иссиқхона қуриш учун ер майдони ажратишда ёрдам сўради. Фуқаронинг мурожаати шу ернинг ўзида ҳал этилиб, унга кам ҳосил бергани учун туман захира ер фондига қайтарилган майдондан ер ажратиб берилди. 

“Қўшминор” МФЙда яшовчи Ҳабиба Жуманова “Муроджон-Фотима”, “Моҳирали-Муҳирали” фермер хўжалигидан 2016-2017 йиллардаги иш хақини ололмаётганидан шикоят қилди. Мутасаддилар кўмаги билан унинг  мурожаати ҳам жойида ечим топди.

Шу ҳудудда яшовчи Шоҳсанам Содиқова нодавлат таълим муассаси ташкил этиб, аҳоли мушкулини осон қилишни кўнглига тукканига анча вақт бўлди. Лекин фуқаро шаҳар марказидан ер олишда қийналаётган эди. Бугунги сайёр қабул эса унинг орзусини амалга ошишига қўл келди. O‘zLiDeP депутатлик гуруҳи аъзолари масалани ўз зиммасига олиб тегишли ташкилотларга депутатлик сўрови юбориш орқали яқин кунларда муаммони ҳал этиб беришга ваъда берди.

Таъкидлаш керак, сайёр қабул давомида 43 мурожаатга ҳуқуқий маслаҳатлар берилиб, мутасадди идораларга депутатлик сўровлари юборилди.

 Музаффар ТУХТАСИНОВ,

O‘zLiDeP  Наманган вилоят

Кенгаши бўлим мудири

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!