Хабарингиз бор, жорий йилнинг 1 мартидан 15 майига қадар O`zLiDeP ҳудудий ташкилотлари томонидан БПТнинг ҳисобот-сайлов йиғилишлари ўтказилди.

Уларда таянч нуқталарнинг ўтган йилда амалга оширган ишлари сарҳисоб қилиниб, жорий йилда қуйи бўғинлар олдида турган устувор вазифалар белгилаб олинди. Шунингдек, БПТ фаолиятини кучайтириш, депутатлар билан қуйи бўғин ҳамкорлигида олиб бориладиган ишларда аниқ  натижаларга эришиш, партия аъзолари сафини кенгайтириш масалаларига ҳам алоҳида эътибор қаратилди.

Масалан, Наманган шаҳридаги “Наманганмехмаш” ОАЖ, Уйчи туманидаги “Шахноза Мастер Класс” ўқув маркази, Косонсой тумани “Чашмаи сафед” кўп тармоқли фермер хўжалигида фаолият юритаётган БПТда бўлиб ўтган ҳисобот-сайлов йиғилишлари ҳам кўтаринки руҳда ўтгани билан аҳамиятлидир.

–Ўтган йиғилишларда жами 23488 та партия аъзосидан 20087 нафари қатнашди, – дейди O’zLiDeP Наманган вилоят Кенгаши раисининг биринчи ўринбосари-аппарат раҳбари Носиржон Абдуллаев. – Ҳисобот-сайлов йиғилишлари давомида бошланғич партия ташкилотлари атрофлича ўрганиб чиқилиб, 14 та янги бошланғич партия ташкилоти тузилди. Энг муҳими, йиғилишлар давомида қуйи бўғин етакчиларининг 696 нафарига яна қайта ишонч билдирилди, ишончни оқламаган 236 та таянч нуқтага эса янги раислар сайланди.

Умуман, йиғилишлар давомида бошланғич партия ташкилотларига сиёсий жиҳатдан етук раҳбарларни сайлаш орқали қуйи бўғин фаолиятини жонлантириш, партия сафига янги аъзоларни жалб қилиш масаласига алоҳида эътибор берилди.

Эркин АҲМЕДҲОДЖАЕВ,

O‘zLiDeP Наманган вилоят Кенгаши

БПТ билан ишлаш гуруҳ раҳбари

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!