O‘zLiDeP Наманган вилоят Кенгаши томонидан “Ёш инновациячи” кўрик-танловининг вилоят босқичи ўтказилди.

Танловда ғолиб ва совриндорларни аниқлашда номзодларнинг ўқишдаги муваффақияти, ижтимоий фаоллиги ва истеъдоди, етакчилик қобилияти ҳамда инновацион ғоялар, ишланмалар ва технологиялардан фойдаланиш кўникмаларини қай даражада ўзлаштира олганликларига қаратилди.

–Танловнинг туман (шаҳар) босқичларида 300 нафардан ортиқ ёшлар   иштирок этди, – дейди O‘zLiDeP Наманган вилоят Кенгаши аппарат раҳбари Носиржон Абдуллаев. –Танловнинг вилоят босқичида эса туман (шаҳар) босқиларида ғолибликни қўлга киритган 36 нафар ёш ихтирочилар ўзининг 40 га яқин лойиҳалари билан қатнашди. Айтиш жоиз, бу каби танловлар иқтидорли ёшларни излаб топиш, уларни ҳар томонлама қўллаб-қувватлаш билан бир қаторда, ёш инновациячиларни янги-янги ғоялар, кашфиётлар сари ундайди.

Танловда шунингдек, “Энг ёш инновацион ғоя муаллифи”, “Энг самарали инновацион лойиҳа муаллифи”, “Кичик бизнес учун энг истиқболли инновацион лойиҳа муаллифи”, “Энг яхши инновацион ишланма муаллифи” каби қатор номинациялар бўйича ҳам ғолиб ва совриндорлар аниқланди.

Танлов ғолиблари O‘zLiDeP Наманган вилоят Кенгаши томонидан диплом ва эсдалик совғалари билан тақдирланди.

 Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!