O‘zLiDeP Навоий вилоят Кенгаши томонидан Учқудуқ туманидаги  “Шалхар” овул фуқаролар йиғинида сайёр қабул ташкил этилди.

Унда туман ҳокимлиги, туман адлия бўлими, бандликка кўмаклашиш маркази, туман солиқ инспекцияси, “Микрокредитбанк”, “Миллий банк” вакиллари ҳамда Халқ депутатлари туман Кенгашидаги O‘zLiDeP депутатлик гуруҳи аъзолари иштирок этди.

Сайёр қабулда шу ҳудудда яшовчи Алтин Ижбосарова яшаб турган уйининг том қисми табиий офат туфайли яроқсиз аҳволга келиб қолгани, уйни таъмирлаш учун  истеъмол кредити олмоқчи эканини айтиб, мутасаддилардан кам фоизли кредит олишда амалий ёрдам сўраб мурожаат қилди.

Унинг мурожаати “Микрокредитбанк” туман филиали ходими Жаҳонгир Жаббаров томонида назоратга олиниб, фуқорога имтиёзли 7 млн сўм кредит бериладиган бўлди. Шунингдек, “Шалхар” ОФЙда яшовчи Маржангул Айжанова ҳамда Руқия Мергенбаевалар 12-13 йиллик иш стажи билан пенсияга чиққанига қарамай, кам пенсия олаётганини айтиб, шу масалага ойдинлик киритишда амалий ёрдам сўради. Кенес Нарчаев эса бюджет ташкилотларида фаолият юритаётган ишчи-ходимларга зарарли ҳудудда ишлагани учун қанча миқдорда устама тўланиши бўйича савол берди.  

Ҳар икки масала юзасидан Халқ депутатлари туман Кенгашидаги партия депутатлик гуруҳи аъзоси Ф.Мамажонов пенсия жамғармаси ва туман молия бўлимига депутатлик сўрови юборишга ваъда берди.

Қ.ЭШҚАРОЕВА,

O‘zLiDeP Учқудуқ туман

Кенгаши ижрочи котиби

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!