O‘zLiDeP Пахтачи туман Кенгаши туман Ёшлар иттифоқи кенгаши билан ҳамкорликда Президентимизнинг “Yoshlar kelajagimiz” Давлат дастури тўғрисида”ги Фармони тарғиботига бағишланган давра суҳбати ўтказди.

Тадбирда сўз олган O‘zLiDeP Пахтачи туман Кенгаши аппарат раҳбари Узоқжон Хамираев қарор мазмун-моҳияти ҳақида гапирар экан, юртимизда ёшларга яратилаётган шарт-шароитлар ҳақида  алоҳида тўхталиб ўтди.

–Илгари тадбиркор деганда, ёши қирқ-элликларга борган киши тушуниларди, – дейди Узоқжон Хамираев. – Бугун ёшларга кенг имкониятлар эшиги очилган, имтиёзли кредитлар ажратилмоқда. Ёшларни қўллаб-қувватловчи қарор ва фармонларнинг барчаси уларнинг камолоти учун хизмат қилмоқда. Шу боис, бугунги ёшлар касб-ҳунар коллежини тамомламасдан олдин тадбиркорлик билан шуғулланишни мақсад қилиб, бизнес режалар тузиб қўймоқда.  

Тадбирда Ёшлар иттифоқи туман кенгаши масъуллари томонидан “Yoshlar kelajagimiz” Давлат дастурини ижросини таъминлаш борасида олиб борилаётган ишлар ва режалаштирилаёган чора-тадбирлар ҳақида маълумотлар берилди.

Бахтигул ҚАРШИЕВА,

O‘zLiDeP Самарқанд вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!