O‘zLiDeP фаолларидан иборат ишчи гуруҳ аъзолари Сирдарё вилояти Боёвут туманидаги “Лайлаккўл”, “Истиқлол” ҳамда Гулистон туманидаги “Халқабод” ва “Озодлик” маҳаллаларида бўлиб, аҳоли билан учрашди.

Ташриф чоғида партия фаоллари 100дан ортиқ хонадонларда бўлиб, одамларни қийнаётган муаммоларни ўрганди. Шунингдек, мамлакатимизда янги қабул қилинаётган қонунлар, Президент фармон ва қарорлари мазмун-моҳияти ҳақида аҳолига атрофлича маълумотлар берди.

– Кейинги йилларда юртимизда ёшларни тадбиркорлик фаолиятига жалб қилиш, ёш тадбиркорларнинг истиқболли ғоялари ва лойиҳаларини рўёбга чиқаришга алоҳида эътибор қаратилмоқда, – дейди O‘zLiDeP масъул ходими С.Маҳмудов. –Натижада ёшлар учун кўплаб иш ўринлари яратилиб, йигит-қизларимиз бандлиги таъминланяпти. Айниқса, “Ҳар бир оила – тадбиркор” ва “Yoshlar – kelajagimiz” дастури доирасида яратилаётган қулайликлар бу борада муҳим омил бўлмоқда.

Учрашув давомида ишбилармонлик муҳитини яхшилаш,  жойларда аҳолини тадбиркорликка жалб қилиш, янги иш ўринларини яратиш, ўз меҳнати билан даромад топиш истагида бўлган фуқароларга амалий ёрдам кўрсатиш бўйича чора-тадбирлар дастури ишлаб чиқилди.

Элёр ЖЎРАЕВ,

O‘zLiDeP Сирдарё вилоят

Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!