O‘zLiDeP вакиллари озиқ-овқат дўкони қурмоқчи бўлган косонлик тадбиркорга имтиёзли кредит ажратилишига кўмаклашади
11.09.2018, 16:47
Ҳудудлардаги ижтимоий-иқтисодий аҳвол, фуқароларнинг турмуш шароитларини ўрганиш, жойларда мавжуд муаммоларни аниқлаш ва ҳал этиш чораларини кўриш мақсадида тузилган ишчи гуруҳ аъзоларининг навбатдаги манзили Косон туманидаги Пудина маҳалласи бўлди.
Айтиш жоиз, бугун олис ва чекка ҳудудда жойлашган “Пудина” маҳалласида “Обод қишлоқ” Дастури доирасида ички йўлларни таъмирлаш, 76, 89-сонли мактабларни реконструкция қилиш, аҳолига сифатли электр энергияси етказиб бериш каби муҳим вазифалар белгиланган.
Шу сабабли партия фаоллари дастлаб ҳудудда дастур доирасида амалга оширилаётган ишлар билан яқиндан танишди.
– Маҳалламизда 1100 та хонадон бўлиб, уларда 4800 нафар фуқаро истиқомат қилади, – дейди маҳалла раиси У.Болтаев. – Шу боис, маҳалламиз ушбу дастурга киритилган ва дастур доирасида қурилиш-ободонлаштириш ишлари олиб борилмоқда. Эътиборлиси, бундай хайрли ишларда фуқароларимиз ҳам қараб тургани йўқ. Ҳар бир кўчада ариқлар тозаланиб, имкони борлар бетон ариқлар ётқизяпти. Очиғи, бундай бунёдкорлик ишларидан беҳад шодмиз.
Мулоқотлар давомида шунингдек, аҳолини савдо қилиш учун узоқ масофадан қатнаб келиши маълум бўлди. Ишчи гуруҳ вакиллари эса маҳаллада савдо дўкони қурмоқчи бўлган тадбиркорга “Ҳар бир оила – тадбиркор” дастури доирасида имтиёзли кредит олишда кўмаклашишини айтишди.
Хуллас, ўрганишлар туманда аҳолини қийнаб келаётган қатор муаммолар, ечимини кутаётган долзарб масалаларни рўй-рост кўрсатиб берди. Айниқса, аҳолининг электр энергияси таъминоти ва банк хизматлардан норози экани маълум бўлди.
O‘zLiDeP Қашқадарё вилоят
Кенгаши матбуот хизмати
O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!
Ўхшаш янгиликлар
-
Фарғона тажрибаси бошқа ҳудудларда оммалашмоқда
29.01.2024, 14:08
-
Ишчи гуруҳ вакиллари таълим соҳасида амалга оширилаётган ишларни ўрганмоқда
20.12.2023, 15:53
-
Қашқадарёда оилавий тадбиркорлик фаолияти депутатлар томонидан жамоатчилик назорати тартибида ўрганиляпти
15.12.2023, 10:52
-
Қашқадарёда оилавий тадбиркорлар фаолияти ўрганилмоқда
13.12.2023, 16:59
-
Давлат дастурининг 67-мақсади Ҳазораспда қандай бажариляпти?
23.11.2023, 18:03
Фикрингизни қолдиринг