O‘zLiDeP фаолларидан тузилган ишчи гуруҳ аъзолари Пискент туманидаги “Файзиобод” маҳалласида  бўлиб, аҳоли билан мулоқот қилди.

Ташриф чоғида партия фаоллари дастлаб ҳудудда “Обод қишлоқ” ва “Обод маҳалла” дастури доирасида амалга оширилаётган қурилиш, таъмирлаш, ободонлаштириш ишлари билан яқиндан танишди.

Ушбу маҳалла 2012 йил ташкил этилган. Маҳалла ҳудудида 809 та хонадон бўлиб, уларда 5242 нафар аҳоли истиқомат қилади. Айни чоғда маҳалладаги “Обод қишлоқ” дастурига киритилган “Обод” кўчаси, “Истиқлол” кўчаси, “Мустақиллик” кўчаси, “Шифокор” кўчаси, “Мингчинор” кўчаси, “Пахтакор” кўчаларида қурилиш-таъмирлаш ишлари олиб борилмоқда. Бунинг учун эса МФЙга 12 млрд 204 млн. сўм маблағ ажратилган.

Учрашувлар давомида шунингдек, тадбиркорлик фаолиятини бошламоқчи бўлган ёшларга “Ҳар бир оила – тадбиркор” ва “Yoshlar – kelajagimiz” дастурлари доирасида яратилаётган имтиёзлар ҳақида батафсил маълумотлар берилди. Аҳоли томонидан газ, ичимлик суви, ишга кириш ва бошқа масалаларда ўртага ташланган мурожаатлар халқ депутатлари туман Кенгашидаги партия депутатлик гуруҳлари томонидан тегишли ташкилотларга сўров юборилди.

Ишчи гуруҳнинг жойлардаги аҳоли билан учрашувлари давом этмоқда.

O‘zLiDeP Тошкент вилоят Кенгаши

 матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!