O‘zLiDeP Хонқа туман Кенгаши “Нуробод” ва “Катта куч” МФЙда сайёр қабул ташкил этди. Сайёр қабулда партия вилоят ва туман Кенгаши масъул ходимлари, депутатлар ва мутасадди ташкилот вакиллари иштирок этди. Учрашувда “Катта куч” маҳалласида яшовчи Комилжон Бабажонов ўғлининг кўзини операция қилиш учун ордер олишда ва операция учун маблағ топишда қийналаётганини айтиб мурожаат қилди. Ушбу фуқарога амалий кўмак бериш мақсадида Хонқа туман Кенгаши депутати Аҳмаджон Яхшимуратов 1 млн сўм миқдорида ҳомийлик қилишини ва яна бошқа ҳомийлар топишда ва ордер олишида ҳам амалий ёрдам беришини айтди.

Шунингдек, сайёр қабулда ички йўлларнинг ёмонлиги, суюлтирилган газ баллонларининг вақтида етиб келмаслиги, ишсизлик, томорқаларга сув етишмаслиги ва шу каби 10 дан ортиқ муаммолар кўтарилди.

- Аёлим уйда 3 нафар шогирдлари билан тикувчилик қилади, – дейди “Нуробод” маҳалласи фаоли Хакимбой Юсупов. – Бугун сайёр қабулга келиб тўғри қилган эканман. Сабаби аёлимга тикувчилик цехи ташкил қилиши учун қулай бино топишда қийналаётган эдик. Бугун ушбу масалани ҳал қилишда ўзимиз сайлаган депутатимиз А.Яхшимуратов ва маҳалла фуқаролар йиғини раиси А.Отажоновлар кўмак беришларини айтдилар.

Таъкидлаш керак, сайёр қабулдан сўнг 2 нафар ишсиз фуқаролар туман ободонлаштириш бошқармасига ишга жойлаштирилди.   

Қудрат Бекметов

O‘zLiDeP Хоразм вилоят

Кенгаши ходими

O‘zLiDePнинг Facebook ҳамда Instagram'даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!