Янгиқўрғонда O‘zLiDeP ташкил топганининг 15 йиллиги муносабати билан “Халқ депутатлари маҳаллий Кенгашларидаги энг фаол депутат” танловининг туман босқичи бўлиб ўтди.

– Танловда 12 нафар депутат иштирок этди, – дейди  партия Янгиқўрғон туман Кенгаши аппарат раҳбари Рустам Миразимов. – Партия туман Кенгаши билан доимий алоқада бўлган ва турли мавзудаги тадбирларда фаол иштирок этган O‘zLiDeP депутатлик гуруҳи аъзоси Олимхон Мутавалиев танловнинг туман босқичи ғолиби деб топилди.

Таъкидлаш керакки, 1-Калишох сайлов округидан депутат этиб сайланган О.Мутавалиев ташаббуси билан округ ҳудудида қишлоқ оилавий поликлиникаси ташкил этилди. Ҳозирда мазкур поликлиника 17 минг аҳолига хизмат кўрсатмоқда.

Бундан ташқари, сайловчилар талабларидан келиб чиқиб, депутатнинг ҳудудда янги мактаб биноси қуриш талаби асосида 21-умумтаълим мактабида қўшимча ўқув бинолари қурилиши давлат дастурига киритилди. Қувонарлиси, депутат ташаббуси билан Бўстон маҳалласига 6.6 км масофада ичимлик сув тармоғи тортилди.

Юлдуз ЮЛДАШЕВА,

O‘zLiDeP Наманган вилоят

Кенгаши матбуот котиби

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!