O‘zLiDeP Кегейли туман Кенгаши партия ташкил топганининг 15 йиллиги муносабати билан “Хавфсиз интернет” лойиҳаси доирасида “Ёшлар ўртасида жиноятчиликниниг олдини олиш масалалари” мавзуида давра суҳбати ташкил этди.

Тадбирда партия туман Кенгаши ходимлари, Ўзбекистон ёшлар иттифоқи туман бўлими, Халқ депутатлари туман Кенгашидаги  партия депутатлик гуруҳи аъзолари, “Ёшлар қаноти” фаоллари ҳамда кенг жамоатчилик вакиллари қатнашди.

– Интернет тез ва арзон ахборот олиш, уни қайта ишлаш ҳамда  етказишда беқиёс манбадир, – дейди O‘zLiDeP Қорақалпоғистон Республикаси  Кенгаши фаоли К.Танирбергенов. – Лекин ёшларимиз кирадиган сайтларнинг ҳаммасини ҳам маънавий-ахлоқий талабларга жавоб беради, деб бўлмайди. Шу боис, бугун ёшларда ахборот олиш ва ундан фойдаланиш маданиятини кучайтириш, бу борада таълим муассасаларида тарғибот ишларини олиб бориш мақсадга мувофиқ.  

Тадбирда лойиҳа доирасида ёшлар иштирокида ток-шоулар тайёрлаш, ўқув курслари ташкил этиш бўйича муҳим вазифалар белгилаб олинди.

O‘zLiDeP Қорақалпоғистон Республикаси

 Кенгаши матбуот хизмати

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!