O‘zLiDeP Боёвут туман Кенгаши Қишлоқ хўжалик касб-ҳунар коллежида бўш иш ўринлари меҳнат ярмаркаси ташкил этди.  

Унда партия туман Кенгаши, тижорат банк вакиллари, Савдо-саноат палатаси туман бўлими, туман бандликка кўмаклашиш маркази, Давлат солиқ инспецияси ҳамда туман ҳокимлиги вакиллари иштирок этди.

Ярмаркада “Yoshlar – kelajagimiz” Давлат дастури доирасида имтиёзли кредит олиб, ўз тадбиркорлик фаолиятини йўлга қўйган ёш тадбиркорлар томонидан ишлаб чиқарилган маҳсулотлар намойиши кўпчиликнинг эътиборини тортди.

–Мазкур ярмаркани ташкил этишдан мақсад – ёшларни тадбиркорликка жалб қилиш, банд бўлмаган ёшларни иш билан таъминлашдан иборат, – дейди “Yoshlar-kelajagimiz” жамғармаси Боёвут туман филали раҳбари Азизбек Турдимуродов. – Шу боис 2018 йилда 57 нафар ёшга тадбиркорлик билан шуғулланиши учун 2 млрд 322 млн 800 минг сўм миқдорида кредит ажратдик. Жорий йилнинг ўтган даврига қадар эса 270 миллион сўмлик банк кредити эвазига 7 нафар ёшнинг бандлиги таъминлашга кўмаклашдик. 

Ярмарка якунида 23 нафар йигит-қизга ишга жойлашиш учун йўлланма берилди.

 Манзура ДАДАЕВА,

O‘zLiDeP Боёвут

туман Кенгаши

аппарат раҳбари