O‘zLiDePнинг ёш депутати мактабларга китоб ва компьютер жамланмаси совға қилди
24.02.2020, 11:06
O‘zLiDePдан сайланган халқ депутатлари вилоят Кенгаши депутати Жамшид Пардаев мактаб ўқувчиларида IT технологияларидан фойдаланиш кўникмасини шакллантириб бориш тарафдори.
— Биз ёшларда мактабданоқ IT технологиялардан фойдаланиш кўникмасини шакллантириб борсак, таълимнинг кейинги босқичларида уларнинг билим олишлари учун анча енгиллик яратган бўламиз, — дейди ёш тадбиркор “TERMIZ GOLDEN CITY” масъулияти чекланган жамияти раҳбари Жамшид Пардаев. — Ва мана шу жараёнда уларнинг иқтидорлилари юзага чиқади ҳамда келажакда улар худди шу йўналишда етук мутахассис даражасига етишига замин яратилади. Афсуски, бугун жуда кўп умумтаълим мактабларида бундай имконият тўлиқ мавжуд эмас. Шахсан мен депутат бўлиб сайланган Сариосиё туманидаги 55-Обизаранг сайлов округи ҳудудида ўрганишлар олиб бориб, ана шундай хулосага келдим. Ҳудудда 12 та мактаб бор. Уларда жами 5733 нафар ўқувчи таълим-тарбия олишади. Мазкур таълим муассасаларининг барчаси тўлиқ замонавий компьютерлар билан жиҳозланмаган. Баъзида информатика фанини ўқувчилар фақат назарий ўзлаштираяпти, холос.
Дарвоқе, ёш депутатнинг гапида жон бор. Бугун ахборот-коммуникация технологияларисиз ҳаётимизни тасаввур этиб бўлмайди. Шаҳарларда, туман марказларидаги умумтаълим мактаблари ўқувчиларининг компьютер саводхонлиги бироз яхшидир, аммо олис қишлоқ ва маҳаллалардаги ёшларимиз бу жараёндан анча олисда эканидан кўз юмиб бўлмайди. Президентимиз томонидан илгари сурилган 5 та муҳим ташаббуснинг биттаси ҳам айнан аҳоли ва ёшлар ўртасида компьютер технологиялари ва интернетдан самарали фойдаланишни ташкил этишга қаратилганини инобатга олсак, бу борадаги ишларни янада жонлантириш зарур.
Бугунги депутат ўз сайловчиларининг дарду ташвишлари, уларнинг муаммоларига ечим топиш ҳаракатида бўлмоғи лозим. Чунки, халқ ишончи унга куч-қувват беради. Буни депутат Жамшид Пардаев дилдан ҳис этмоқда. Шу боис ҳам у ўз фаолиятини амалий ишдан бошлади. Депутат этиб сайланган 55-Обизаранг сайлов округи ҳудудидаги 31-, 50-, 81-умумтаълим мактабларига 150 тадан бадиий адабиёт, 2 тадан компьютер жамланмасини совға қилди.
Ёш тадбиркор мазкур ташаббуси билан барча депутатлар ва тадбиркорларни умумтаълим мактабларини компьютер билан таъминлаш масаласига эътибор қаратишга чақирмоқда.
O‘zLiDeP Сурхондарё вилоят
Кенгаши матбуот хизмати
Ўхшаш янгиликлар
-
Қўрғонтепада қишлоқ хўжалигига мўлжалланган ерлардан самарали фойдаланиш ҳолати таҳлил қилинди
26.01.2024, 16:22
-
Депутат кўмагида аҳоли хонадонларига ичимлик суви етиб бормоқда
26.01.2024, 11:59
-
Депутатлик эшитуви танқидий-таҳлилий руҳда ўтди
26.01.2024, 11:57
-
Бошқарма бошлиғининг ҳисоботи эшитилди
25.01.2024, 15:32
-
Зоминлик депутатлар туман электр тармоқлари корхонаси раҳбарининг ҳисоботини эшитдилар
23.01.2024, 15:15
Фикрингизни қолдиринг