Матлубахон ёшлигидан саранжом-саришталикни хуш кўради. Озодалик бор жойда барака бўлади. 2010 йилда у асос солган Қарши шаҳридаги  “Гунгон” маҳалласидап жойлашган “Тозалик маликаси” МЧЖ фаолияти ҳам айнан тозаликка, орасталикка йўналтирилган. Яъни корхона цехларида 10 хилдаги маҳсулот – хўжалик совуни, идиш-товоқ ювишга мўлжалланган гил, кир ювиш содаси, антисиптик маҳсулотлар тайёрланмоқда.  Тадбиркор Матлубахон Ўтаганова раҳбарлигидаги мазкур корхонада “Гунгон” маҳалласида яшовчи 15 нафар йигит-қиз доимий иш билан банд этилган.

Касбига меҳр қўйган, аҳил ва ҳамжиҳат жамоада қут-баракат бўлади,  дейишади. Матлубахон ана шу аҳиллик ва ҳамжиҳатликни янада мустаҳкамлаш, ишчи-ходимларни бир мақсад йўлида бирлаштиришга аҳд қилди. Жамоада биринчилардан бўлиб, ўзи O'zLiDeP аъзолига қабул қилинди. Яна 6 нафар ходим ҳам мақсадлари муштарак, ғоялари эзгу бўлган бу партия сафига киришди. Шу тариқа мўъжазгина жамоада янги бошланғич партия ташкилоти вужудга келди. 

- Пандемия шароитида аҳолига зарур гигиеник маҳсулотлар таклиф қилаётган бу тадбиркорлик субъектида башланғич партия ташкилоти очилгани бизни жуда қувонтирди, - дейди O'zLiDeP Қашқадарё вилоят Кенгаши раиси Сирожиддин Одилов. – Зотан, тадбиркорларимизнинг ягона мақсад йўлида бирлашиши нафақат уларнинг бизнеси истиқболини белгилашда балки юрт келажагига дахлдор бўлган салоҳиятли кадрлар захирасини яратишда ҳам муҳим аҳамият  касб этади.

   O'zLiDeP Қашқадарё вилоят Кенгаши

 матбуот хизмати