Дунёда шундай муқаддас тушунчалар борки, улар замирида жамланган маъно-мазмунни англаш учун “Она” сўзини қўшиб ишлатамиз. Шундагина онг-у шууримизда акс этган тушунчаларни тўлиқроқ таърифлагандек бўламиз. Ана шундай сўзлардан бири – Она Ватандир.

O‘zLiDeP Ғаллаорол туман Кенгаши томонидан Ўзбекистон Республикаси Қуролли Кучлари ташкил этилганининг 26 йиллиги ҳамда Ватан ҳимоячилари куни муносабати билан “Ватанни асраш – олижаноб вазифа” мавзусида анъанавий маъданий-маърифий тадбирда шу ҳақида сўз борди.

Мамлакатимиз Қуролли Кучлари сафида хизмат қилаётган аскарларнинг оналари, меҳнат фахрийлари, ҳамда кенг жамоатчилик вакиллари иштирок этган мазкур тадбир аввалида “Миллий армиямиз, ғуруримиз, фахримиз” фильми намойиш этилди. Шунингдек, ҳарбий хизматни шараф билан адо этаётган бир гуруҳ аскарларнинг оналарига йўллаган видеотабриги тадбир иштирокчиларининг гулдурос қарсаклари билан олқишланди.

Шундан сўнг тадбир иштирокчиларини туман ҳокими Абдурашид Юлдашев Ўзбекистон Республикаси Қуролли Кучлари ташкил этилганининг 26 йиллиги ҳамда Ватан ҳимоячилари куни муносабати билан муборакбод этди. Тантанали тадбирда Қуролли Кучларимиз сафида хизмат бурчини аъло даражада ўтаётган аскарлар вилоят ҳокимининг, уларнинг оналарига Жиззах гарнизони бошлиғининг Ташаккурномалари билан тақдирланди.

                  Саида УМАРАЛИЕВА,

O‘zLiDeP Жиззах вилоят Кенгаши

матбуот хизмати котиби

O‘zLiDePнинг Facebook’даги расмий саҳифаси ва Telegram’даги каналига аъзо бўлиб, сўнгги янгиликлардан хабардор бўлинг!