O’zLiDeP Наманган вилоят  Кенгаши Ёшлар билан ишлаш бўлими томонидан Наманган Муҳандислик Қурилиш институтида “Депутат ва Ёшлар” учрашуви ташкил этилди.

Тадбирда Олий Мажлис Қонунчилик палатаси депутати Барнохон Мирзамова талаба ёшлар билан мулоқот қилди. 

Учрашувда 50 нафардан ортиқ ёшлар иштирок этди ва Қонунчилик палатаси депутатига ўзларини қизиқтирган саволларини йўллади.

Учрашувда мазкур университетнинг 1-босқич талабаси Талатбек Халимов бугунги кунда ёшларга яратилаётган имкониятлар ҳақидаги сўраган бўлса, 1-босқич 22-гуруҳ талабаси Мухторжон Қамариддинов Наманганда доривор ўсимликлар етиштириш бўйича ўзинг таклиф ва фикрларини билдирди.  Яна шу каби талаба ёшлар  томонидан берилган саволларга депутат ҳамда партия вакиллари жавоблар беришди. Учрашув қизғин баҳс-мунозараларга бой тарзда ўтди.

Тадбир якунида фаол ташаббускор ёшларга Олий Мажлис Қонунчилик палатаси депутати Б.Мирзамованинг эсталик совғалари ва партия ташаккурномалари топширилди.

Энг аҳамиятлиси, O’zLiDeP сафига қўшилиш истагида бўлган ёшлардан 23 нафари партия аъзолигига  қабул қилинди.

Юлдашева Юлдуз,

O’zLiDeP Наманган вилоят Кенгаши

матбуот котиби