Ўқитувчининг қадри баланд юртда янги Ренессансга пойдевор яратилади
04.01.2021, 15:10
Ўқитувчи билим одами. Фикри-зикри китоб, дарслик, ўқувчисининг ўзлаштириши билан банд бўлади. Сабоқларга соатлаб тайёрланади, туни билан тиним билмайди. Шундай касб эгаси моддий муаммолар гирдобида қолса ёки уни қандайдир молиявий масалалар чалғитса, у дарс ўта олмайди, сабоғига шогирдини жалб қила олмайди. Бу оддий кўринса-да, жуда катта муаммо. Чунки ўқитувчи меҳнати маҳсули – ақлли, билимли ва доно ёшлар тимсолида намоён бўлади.
Бу фикрлар Президентимизнинг Олий Мажлисга мурожаатини тинглагандан сўнг туғилди. Юракка етиб борадиган гаплар айтилди-да. Масалан, олийгоҳлар ва таълим тизимининг қуйи бўғинлари ўртасидаги узвийликни кучайтириш мақсадида 65 та академик лицей олий ўқув юртлари тасарруфига ўтказилиши, 187 та техникум ҳам ўз йўналиши бўйича турдош олийгоҳ ва тармоқ корхоналарига бириктирилиши каби янгиликлар ҳар бир ёшларни ва ота-оналарни қувонтириши табиий.
Президентимиз келгуси йилдан бошлаб, физика ва чет тилларини ўрганишни устувор йўналиш этиб белгилашни таклиф этди. Мен ҳам шу соҳада илмий иш олиб бораётган бўлажак олим сифатида таклифни мамнуният билан қабул қилдим. Илмга ва фанга берилаётган юксак эътибор юртимиз тараққиёти ва равнақига хизмат қилади. Зеро, ўқитувчининг нуфузи ва қадри баланд юртда янги Ренессансга пойдевор яратилади.
Ёрқин Тошмуродов,
Тошкент ирригация ва қишлоқ хўжалигини
механизациялаш муҳандислари институти
Қарши филиали ҳузуридаги академик
лицей директори, O'zLiDeP фаоли
Ўхшаш янгиликлар
-
Сайловолди дастури ижроси: парламент назорати ва фракциялараро рақобат
13.04.2024, 21:48
-
Жиззахда томорқаларни ишга солиш бўйича 309 та маҳаллага лидер тадбиркор – экспортчилар бириктирилиши белгиланди
09.04.2024, 20:27
-
Жиззахда кечаётган улкан ўзгаришлар Янги Ўзбекистонни қамраб олган бунёдкорлик жараёнига муносиб ҳисса бўлиб қўшилмоқда
09.04.2024, 20:25
-
Ўзбекистон ва Қозоғистон ҳамкорлиги янги босқичга чиқмоқда
09.04.2024, 17:23
-
Ердан самарали фойдаланиш - ёшлар бандлиги ва даромадини оширишнинг муҳим омилидир
09.04.2024, 17:15
Фикрингизни қолдиринг