– Буюк Амир Темур туғилиб ўсган Қашқадарё заминида Соҳибқирон таваллуд куни кенг нишонланмоқда, – дейди Амир Темур номидаги моддий маданият тарихи музейи директори, тарих фанлари номзоди Наби Хушвақтов. – Масалан, миллий таомимиз ошни Амир Темур давридаги каби дамлаб, оилавий тарзда Темурхонлик кечалари ўтказиш, болаларга Амир Темур ҳаётидан ажойиб воқеаларни эртак ёки ривоят тарзида сўзлаб бериш, шахмат турнири ўтказиш, турли жисмоний тарбия машқларини ташкиллаштириш, кўча ва хонадонларни ободонлаштириш ҳамда кўкаламзорлаштириш ишлари анъанага айланиб бормоқда. 

– Бир пайтлар бу хиёбон жуда кўримсиз, тепаликлардан иборат ташландиқ жой эди, – дейди шаҳрисабзлик фахрий Раҳматулло Умаров. – Яратганга шукр, бугун бу жойни танимайсиз. Хиёбонда кенг кўламли бунёдкорлик ишлари амалга оширилиб, шаҳарликлар ва меҳмонлар сайр қиладиган кўркам масканга айланиб бормоқда. Туризм ривожланиб, худди темурийлар даврида бўлгани каби сайёҳлар оқими кўпаймоқда. 

 

 

Давлат ва жамоат ташкилотлари вакиллари, адиблар, олимлар, фахрийлар, талаба ёшлар иштирок этган тадбирда Амир Темур руҳини хотирлаб Дор ут-тиловат мажмуасида қуръон тиловат қилинди ва эҳсон оши тарқатилди. 

 

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!