Тиллашайхов Ҳожиакбар Камалитдинович Яшнобод тумани ҳокими вазифасини бажарувчи лавозимига тайинланди. Бу ҳақда “Халқ сўзи“га пойтахт ҳокимлиги матбуот хизмати маълум қилди.

Тиллашайхов бунгача ҳоким вазифасида ишлаб келаётган Дилмурод Турдиев ўрнига бу лавозимга тайинланган. Турдиевнинг қайси лавозимга ўтгани борасида аниқ маълумот берилмаган.

Эслатиб ўтамиз, бунга қадар Тиллашайхов Яшнобод тумани ҳокимининг иқтисодиёт ва тадбиркорлик масалалари бўйича биринчи ўринбосари лавозимида ишлаган.

Тиллашайхов Ҳожиакбар Камалитдинович 1983 йилда Тошкент шаҳрида туғилган. 2004 й. Тошкент кимё технология институти (кундузги) , 2009 й. Тошкент давлат иқтисодиёт университети (сиртқи) , 2010 й. Ўзбекистон Республикаси банк-молия академияси, 2016 й. Ўзбекистон Республикаси Президенти ҳузуридаги давлат бошқаруви академияси тамомлаган.

2016 йилда - Акциядорлик инновация тижорат “Ипак йўли“ банки Сағбон филиали бошқарувчисининг ўринбосари лавозимида ишлаган. 2016-2017 йилларда - Яшнобод тумани ҳокимининг иқтисодий ва ижтимоий ривожлантириш, хизматлар соҳаси ва тадбиркорлик масалалари бўйича ўринбосари лавозимида ишлаган.

O‘zLiDePнинг Facebook ва Instagram’даги расмий саҳифаси ҳамда Telegram’даги каналига аъзо бўлиб, сўнгги янгиликлардан хабардор бўлинг!