2019 йил Ўзбекистон банкларидаги автокредитлар бўйича ҳолат:

Ўзбекистон Миллий банки

Кредитнинг максимал миқдори — 70%гача, бошланғич тўлов — 30%. Гаров сифатида автомобилнинг ўзи қўйилади, шу вақтгача эса — молиявий ҳолати барқарор юридик шахснинг кафолати, суғурта полиси ва гаровнинг бошқа кўринишлари талаб этилган.

«Қишлоқ қурилиш банк»

Кредит тўрт йилгача бўлган муддатга берилади, бошланғич тўлов миқдори 30%дан кам эмас. Фоиз ставкаси — шартнома асосида, имтиёзли даври — 6 ой.

«Туронбанк»

Кредитлар йиллик фоиз ставкаси бошланғич тўлов миқдоридан келиб чиқади. Агар тўлов миқдори 25%дан то 34%гача бўлса, у ҳолда ставка 28%; агар 35−50% бўлса, унда 26%; агарда 50%дан кўп бўлса, унда 24%.

«Ипак Йўли» банки

Бу ерда шарт ўзгарган. Кредитни 36 ойга олиш мумкин. Бошланғич тўлов 25%ни ташкил этади, фоиз ставкаси — 23,8%.

«Даврбанк»

Кредитлар 36 ойгача бўлган муддатга берилади. Фоиз ставкаси 19%, бошланғич тўлов 50%.

«Равнақ-банк»

Октябрь ойи билан таққослаганда шартлар ўзгарди. Эндиликда фоиз ставкаси 26%, кредитлар беш йилгача бўлган муддатга берилади. Максимал ставка — 32%.

«Ипотека-Банк»

Фоиз ставкаси 25%. Суммаси ва миқдори олдингидек қолди — ЭКИҲнинг 700 баробаригача. Кредит 1 йилгача бўлган муддатга берилади.

«Ориент Финанс» банк

Шартлар ўзгарди: автокредитлар 300 миллион суммадан кўп бўлмаган миқдорда 4 йилдан кўп бўлмаган муддатга берилади. Ставка бошланғич тўлов миқдорига боғлиқ: 25% бўлса, ставкаси 26%, 40% бўлганда — 25%, 50% ва ундан кўп бўлса — 24% бўлади.

«Ҳамкорбанк»

Октябрь ойи билан таққослаганда максимал муддат ўзгарди — эндиликда 48 ой эмас, балки 36 ойгача. Қолган шартлар олдингидек — ЭКИҲнинг 1000 баробаригача, минимал 30% бошланғич тўлов, минимал фоиз ставкаси 25%. Иккиламчи бозор автомобиллари учун шартлар бошқачароқ.

Манба: Mahalladosh.uz