Янги боғча маҳалла болаларини мактабгача таълим билан қамраб олиш муаммосини ҳал қилди (+фото)

01.06.2019, 17:56

Янги боғча маҳалла болаларини мактабгача таълим билан қамраб олиш муаммосини ҳал қилди (+фото)

Президент Шавкат Мирзиёев Оҳангарон шаҳридаги «Қалдирғоч» давлат мактабгача таълим муассасасига ташриф буюрди. 

1 июнь - Халқаро болаларни ҳимоя қилиш куни арафасида фойдаланишга топширилган ушбу боғча Нўғойқўрғон маҳалласи аҳолисининг оғирини енгил қилди. Зеро, бу ерда ташкил этилган 4 асосий ва 3 қисқа муддатли гуруҳларда 160 дан зиёд болага замонавий шароитларда таълим-тарбия бериш имконияти пайдо бўлди. Бу ерда ёзги ўйин майдончаси, чўмилиш ҳавзаси, футбол майдончаси, спорт ва мусиқа заллари ташкил этилган, Хоналар ривожлантирувчи ўйинлар ва кўргазмали воситалар, болалар ўз иқтидорини намойиш этиши учун зарур барча имкониятлар билан таъминланган. Боғчада 32 нафар мутахассис иш билан таъминланди. 

Президент боғчадаги шароитларни кўздан кечирди, соҳа мутасаддилари ва тарбиячилар билан суҳбатлашди. Мамлакатимиз келажагини таъминлайдиган кадрларни тарбиялаш мактабгача таълим тизимидан бошланиши, янги боғчалар қуриш ва болаларни қамраб олишни кенгайтириш орқали бунга замин яратилаётганини таъкидлади.

  • Кўрилди
    293
  • Чоп этиш
  • Дўстлар билан улашиш
← Орқага қайтиш

Билдирилган фикрлар

Носирова Шоира Туман кенгаши депутати2019-06-02 23:36:23

Президентимизнинг мамлакатимиз келажагини таъминлайдиган кадрларни тарбиялаш мактабгача таълим тизимидан бошланиши, янги боғчалар қуриш ва болаларни қамраб олишни кенгайтириш орқали бунга замин яратилаётганини таъкидлашлари ва бу борада олиб борилаётган самарали ишлар кўзни қувонтиради. Ёшларимиз албатта бунданда бахтли бўлишларига аминмиз.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг.

+