Шавкат Мирзиёев: Асосий мақсад фермерлар даромадини кўпайтириш

29.08.2018, 23:45

Шавкат Мирзиёев: Асосий мақсад фермерлар даромадини кўпайтириш
Президентимиз Бекобод туманидаги «Юсупов Ғофуржон файз» фермер хўжалигида амалга оширилаётган ишлар билан танишди.
 
Бугунги кунда мамлакатимизда янги деҳқончилик тизимига мос, тупроқ унумдорлигини оширадиган ва экинлардан юқори ҳосил олишни таъминлайдиган экиш тизимлари жорий этилмоқда. Қишлоқ хўжалиги экинларини белгиланган меъёрлар асосида суғориш, озиқлантириш, касаллик ва зараркунандаларга қарши самарали курашиш, уруғ ва ресурслар сарфини камайтиришга алоҳида эътибор қаратилмоқда. Ғаллачилик ва пахтачиликнинг сифат кўрсаткичларини яхшилаш йўналишидаги селекция ва уруғчилик ишларини такомиллаштириш чоралари кўрилаётир.
 
Пахтачилик ва ғаллачиликка ихтисослашган мазкур фермер хўжалигининг умумий ер майдони 78,6 гектарни ташкил этади. Жорий йилда хўжалик раҳбари Ғофуржон Юсупов 31,1 гектар майдонга ғалла экиб, гектаридан 71 центнердан ошириб ҳосил олди. Соф фойда 80 миллион сўм. Айни пайтда 47,5 гектар ер майдонида ғўза экилган. Бундан ҳам 35 центнердан ошириб ҳосил олиш мўлжалланмоқда. 
 
Ҳозирда фермер экспортёр ташкилотлар билан 13,5 тонна мош, 7,5 тонна фасол, ички бозорга 60 тонна картошка ва 45 тонна сабзи сотиш бўйича шартнома тузган. Бунинг учун ғалладан бўшаган ер майдонларига қишлоқ хўжалиги маҳсулотларини экиб, парваришлаётир. Хўжаликда меҳнат қилаётган 35 нафар ишчи манфаатдорлигини оширишга ҳам алоҳида эътибор қаратилган.
 
Давлатимиз раҳбари фермер хўжалиги дала шийпонида вилоят фермерлари билан мулоқот ўтказди.
 
Мамлакатимизнинг асосий даромади қишлоқ хўжалигидан. Истиқболли, серҳосил пахта навларини яратиш, ғўзани қўшқатор экиш фермер даромадини кўпайтиради. Фермер далага чиқдими, меҳнати самарасидан уй, машина олсин, фарзандларини ўқишга киргизсин, уйлантирсин, деди Президентимиз.
 
Кўптармоқли фермер хўжаликларини ривожлантириш, бу бўйича хориж тажрибасини ўрганиш юзасидан мутасаддиларга топшириқлар берди.
  • Кўрилди
    194
  • Чоп этиш
  • Дўстлар билан улашиш
← Рўйҳатга ўтиш

Билдирилган фикрлар

Б.Юлдашев Навоий вилояти2018-09-06 12:02:10

Президентимиз томонидан Фермерлар даромадининг оширилиши фермерлар ва қишлоқ аҳолисининг фаровонлигини ошишига, давлатимизнинг иқтисодини янада юкаслишига катта имкониятлар беради.


Абдусатторов Фахриддин - O‘zLiDeP Сирдарё вилояти Кенгаши раисининг биринчи ўринбосари - аппарат раҳбари2018-09-01 15:27:58

Барча партиядошларимизга энг улуғ, энг азиз байрамимиз - мустақиллигимизнинг 27 йиллиги муборак бўлсин. Фермерлар даромадининг оширилиши фермерлар ва қишлоқ аҳолисининг фаровонлигини юксалишига ҳамда янги иш ўринлари яратилиб ёшларнинг иш билан таъминланишига катта имкониятлар беради. Бунинг учун барчамиз бирлашиб фермер хўжаликлари фаолиятини қўллаб-қувватлашимиз керак бўлади.


Ў.Ғофуров Ҳалқ деутутлари Косон туман Кенгаши депутати, Истиқлол йўл қурилиш МЧЖ БПТ раиси2018-08-30 15:07:42

Фермер ва Деҳқон бой бўлса юрт фаровон бўлади.


Фикрингизни қолдиринг

Расмдаги мисолнинг жавобини киритинг, агар расмдаги сонлар кўринмаса "Ctrl+F5" тугмасини босинг. ЭСЛАТМА! ЖЎНАТИШ ТУГМАСИНИ БОСГАНИНГИЗДАН СЎНГ БИЛДИРГАН ФИКРИНГИЗ ШУ ЗАҲОТИ КЎРИНИШИ УЧУН САҲИФАНИ ҚАЙТА ЯНГИЛАНГ (ОБНОВИТЬ).

+