Zafarobodda oziq-ovqat sanoatini rivojlantirish yo‘nalishida amalga oshirilayotgan ishlar tahlil qilindi
01.02.2022, 17:06
O`zLiDeP Jizzax viloyat hududiy partiya tashkiloti “Yoshlar qanoti” guruhi tomonidan Zafarobod tumanida karantin qoidalariga amal qilingan holda “Oziq-ovqat sanoatini rivojlantirish yo‘nalishida amalga oshirilayotgan ishlarda O’zLiDePning o‘rni va roli” mavzusida davra suhbati bo‘lib o‘tdi. Tadbirda Xalq deputatlari tuman Kengashidagi O‘zLiDeP deputatlik guruhi a’zolari, elektorat vakillari, fermerlar va yoshlar ishtirok etdilar.
Ochiq muloqot shaklida bo‘lib o‘tgan mazkur davra suhbatida tumanda bu borada hali foydalanilmay turgan imkoniyatlar borligi, ularni o‘rganish, yoshlarni jalb qilgan holda ushbu sohalarda tadbirkorlikni yo‘lga qo‘yish borasida fikr-mulohazalar almashildi.
Xalq deputatlari tuman Kengashidagi O‘zLiDeP deputatlik guruhi a’zosi Zokir Rajapov tumanda chorvachilikni klaster asosida rivojlantirish, go‘sht va go‘sht mahsulotlarini qayta ishlashni yo‘lga qo‘yish borasida mavjud bo‘lgan imkoniyatlarga to‘xtalib o‘tdi. Shuningdek, tadbir davomida mahallalarda o‘z faoliyatlarini boshlagan hokim yordamchilarining fikr-mulohazalari ham tinglandi.
Ta’kidlanganidek, tumanda qishloq xo‘jalik, chorvachilik, bog‘dorchilik va tomorqachilikni rivojlantirish, bozorlarda oziq-ovqat va nooziq-ovqat mahsulotlari narxlari barqarorligini ta’minlashga albatta o‘z ta’sirini ko‘rsatmay qolmaydi. Tadbir davomida bu borada qilinadigan ishlar, hamkorlik rejalari kelishib olindi.
Xolbek ASATOV,
O‘zLiDeP Jizzax viloyati kengashi
Yoshlar va biznes tuzilmalari
bilan ishlash bo‘limi mudiri
O'xshash yangiliklar
-
Xizmat ko‘rsatish salmog‘i ortmoqda
17.01.2024, 16:31
-
140 turdagi mebel mahsulotlari ishlab chiqarayotgan O’zLiDeP faolining yillik daromadi 11,4 mlrd. so‘mni tashkil etadi
06.10.2023, 14:02
-
Deputatlar tadbirkorlarning takliflarini o‘rgandi
29.09.2023, 15:47
-
Tadbirkorlar muvaffaqiyatga erishish sirlari bilan o‘rtoqlashdi
22.09.2023, 15:22
-
Deputatlar va tadbirkorlar muloqotida qilingan murojaatlar nazoratga olindi
21.09.2023, 17:22
Fikringizni qoldiring